Yohana 20:22 - Imuuma Eehya

²² Mbe, hano yaamarrë okoghamba ghayö, akabhahuuha, akabhatëëbhya igha, “Mogheghe Umwika Ömöhörëëru.

Yohana 20:22 Referans Kwoze

Amangʼana agha Abhatomwa 19:2

Akabhabhöörya igha, “Hano mwaakumiri Yëësu, mwaanyöörrë Umwika Ömöhörëëru?” Bhakamohonshora igha, “A a, kora tetwakaighuurë igha aaho hë.”

Amangʼana agha Abhatomwa 8:15

Hano abhatomwa bhayö bhaahikirë-yo, bhakasabhera abhakumya abhahya, okore bhanyoore Umwika Ömöhörëëru,

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Amangʼana agha Abhatomwa 2:4

Abhantö bhayö bhonswe igho, bhakaishöribhwa Umwika Ömöhörëëru, bhakasimya okoghamba ebheghambo ebhehya, kya bhono Umwika Ömöhörëëru yaabhahaayë obhotoro bhuyö.

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Abhagharatia 3:2

Bhoono tigha mbabhööri-ko engʼana. Mwaanyöörrë Umwika Ömöhörëëru ko okoghera iya okoghoota amaraghërryö agha Mosa kasi n-ko okoghera ukwa ukwitegherra Amangʼana Amaiya agha Yëësu na okoghakumya?

Amangʼana agha Abhatomwa 4:8

Ho Peetero aishöribhwi Umwika Ömöhörëëru, akabhatëëbhya igha, “Abhanene, abhatangati, na abhaghaaka abha Ikiyahudi bhano moohano!

Amangʼana agha Abhatomwa 10:47

“Bhoono n-nawë ono akotora okorebherra abhantö bhano bhatakabhatiisibhwa mo-manshë? Rëndë mbe abheene bhonswe, bhanyöörrë Umwika Ömöhörëëru kya bhëëtö!”

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Yohana 14:16

Mbe, na öni nendaasabhe Taata, abhahaane Ömötöörrya uwöndë, ono araabhe hamwë na bhëënyu nkaagha syonswe igho.

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 20:21

Yëësu akabhakëërya ghwiki igha, “Mobhe na omorembe bhamurë. Kya bhono Taata Waryobha yaantoma, ni-ighoigho na öni wonswe nkobhatoma ko-kebhara kono.”

Yohana 20:23

Ömöntö wowonswe ono moraabhere ëbhëbhë ibhyaye, uyö nabhëëywë. Na ono moraange ukwabhera ëbhëbhë ibhyaye, uyö taabherwe hë.”