Yohana 20:15 - Imuuma Eehya

¹⁵ Yëësu akamöbhöörya igha, “Nyakörö, n-kë obhaayë orakuura? N-nawë ukutuna?” Maryamu yaakanyanga igha, ömöntö uyö, nö-mököri uwa emeremo uwa mu-bhusitaani muyö, ku bhuyö akamohonshora igha, “Omonene, nyoore nu-uwe öghëghirë ikihundughu ikya Omonene uwaane, otantëëbhya hano ukihirrë, öni nendaakiruusi-ho.”

Yohana 20:15 Referans Kwoze

Yohana 20:13

Abhamaraika bhayö bhakamöbhöörya igha, “Nyakörö, n-kë obhaayë orakuura?” Akabhahonshora igha, “Abhantö bhaghëghirë ikihundughu ikya Omonene uwaane, kora temanyirë ahasë bhakihirrë hë.”

Yohana 18:7

Yëësu akabhabhöörya ghwiki igha, “Kana, nawë mukutuna?” Bhakamohonshora igha, “Toratuna Yëësu uwa Nazarëëti.”

Yohana 1:38

Mbe, Yëësu akaisyörya, akamaaha abheegha bhayö bharamosoorana. Akabhabhöörya igha, “N-kë mukutuna?” Bho bhakamohonshora igha, “Raabhi, kana hai ömënyirë?” Ensonga iya engʼana iyö “Raabhi,” ni-igha, umwëghya.

Maariko 16:6

kasi umumura uyö akabhatëëbhya igha, “Motakaitakya. Nemanyirë igha Yëësu uwa Nazarëëti ono bhaahanëkirë ko-mosarabha, we mukutuna. Aryökirë, ta-ahano hë! Momaahe hayö bhaamötöörrë.

Mataayo 28:5

Mbe, maraika uyö, akatëëbhya abhakari bhaara igha, “Motakoobhoha. Nemanyirë igha, mwishirë ukutuna Yëësu ono yaahanëkirwë ko-mosarabha.

Yohana 18:4

Yëësu yaamanyirë ghonswe igho ghano ghaaitengʼerwanga ukumunyoora. Ku bhuyö akeemoka akabhöörya abhantö bhayö bhaaishirë igha, “Kana, nawë mukutuna?”

Ruuka 24:5

Abhakari bhayö bhakoobhoha bhököngʼu. Bhakahiinya ubhusyö hansë. Kasi abhashaasha bhayö bhakabhatëëbhya igha, “Ndarra nkutuna mörë ömöhöru mo-bhaku?

Mataayo 12:34

Bhëënyu m-baghogho mörë kya sinshoka, iyakë moraakore moghambe amangʼana amaiya? Ko bhoora ni-igha, keno ömöntö akoghamba, m-monkoro iyaaye kikurwa.

Ruuka 2:44

Mbaakanyanga igha, n-hamwë arë nabho, mo-bhantö bhayö bhaaghendanianga hamwë nabho ukukyora ka. Hano bhaaghëndirë igho, urusikö rokaheta bhataraamomaaha, bhakasimya okomotonera mo-bhahiiri bhaabho, na mo-bhasaani abhaabho.