Yohana 2:24 - Imuuma Eehya

²⁴ Kasi Yëësu tiyakumiri amangʼana aghaabho hë, ko bhoora yaamanyirë ghano gharëngë mo-senkoro isyabho.

Yohana 2:24 Referans Kwoze

Yohana 6:64

Kasi hobharë abhandë mö-bhëënyu, bhano bhakwanga ukunkumya.” Yëësu yaaghambirë igho, ko bhoora yaamanyirë ukurwa okosemoka igha, m-baabho wë bhaamukumyanga, na ghwiki igha n-nawë akaamunyëërëëyë inikö.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

Amangʼana agha Abhatomwa 1:24

Ku bhuyö bhakasaasaama igha, “Omonene nu-uwe omanyirë senkoro isya abhantö bhonswe igho. Ku bhuyö, torakosaasaama utwöröki ono ushaaghööyë ko-bhantö abhabhërë bhano.

Mataayo 9:4

Kasi Yëësu yaamanyirë keno bhaaitegherranga, ku bhuyö akabhatëëbhya igha, “Motakaabha na amaitegherro amaghogho kya ghayö mo-metwe ighyënyu.

Yohana 16:30

Bhoono tomarrë okomanya igha, nomanyirë ghonswe igho, tekeeho ikibhuno ikya ömöntö ököbhöörya engʼana yoyonswe eera hë. Ku bhuyö tomarrë ukukumya igha, nku-Waryobha waarwa.”

Yohana 5:42

Kasi öni mmarrë okomanya igha, temohanshirë Waryobha mo-senkoro isyënyu hë.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Maariko 2:8

Kamwë igho Yëësu akamanya amaitegherro agha mo-senkoro isyabho, akabhabhöörya igha, “N-kwakë mukwitegherra igho mo-metwe ighyënyu?

Yohana 6:15

Ko bhono Yëësu yaamanyirë igha, abhantö bhayö mbaatunanga bhamokore igha abhe omokama uwaabho kwa nguru, akatanora akarwa hayö, akaghya ghwiki mu-nguku umwene igho.

Yohana 1:42

Mbe, Anderea akareeta Simööni ku-Yëësu. Yëësu akamaaherra Simööni, akamötëëbhya igha, “Iriina iryaho nu-uwe Simööni, omoona uwa Yohana. Kasi bhoono noraabherekerwenga igha, Keefa.” Ensonga iya iriina riyö ni-igha Peetero, handë igha, ritare.

Amangʼana agha Abhatomwa 15:8

Waryobha we amanyirë ghonswe igho ghano gharëngë mo-senkoro isya abhantö. We yöörökëri igha, aikërëëyi kora Abhakyaro bhonswe ko okobhahaana Umwika Ömöhörëëru kya bhono yaatohaayë.

Yohana 4:16

Yëësu akamötëëbhya igha, “Kaghi obherekere mushaasha uwaaho, uushe nawe hano.”