Yohana 19:6 - Imuuma Eehya

⁶ Hano abhanene abha abhasëngëri na abhasirikare abhaabho bhaarööshë Yëësu, bhakashaghana bharaghamba igha, “Mohaneke ko-mosarabha, mohaneke ko-mosarabha!” Piraato akabhahonshora igha, “Momogheghe bhëënyu abheene, moghende momohaneke ko-mosarabha, ko bhoora öni tëmörööshë igha aana obhosarya hë.”

Yohana 19:6 Referans Kwoze

Yohana 18:31

Piraato akabhatëëbhya igha, “Momogheghe bhëënyu abheene, moghende momobhotorre ikiina bhëënyu abheene, ko okorengʼaana na amaraghërryö aghëënyu.” Kasi Abhayahudi bhakamohonshora igha, “Bhëëtö tetoona ubhwera ubhwa okobhotorra ikiina ömöntö wowonswe igho igha aitwe.”

Yohana 19:4

Ghwiki Piraato akarishoka kebhara, akabhatëëbhya igha, “Motamaaha, tigha ndeete ömöntö uyö kebhara hano kö-bhëënyu, okore momanye igha, öni tëndööshë obhosarya bhwobhwonswe bhoora kö-möntö uyö hë.”

Amangʼana agha Abhatomwa 7:52

Kasi aaho ömörööti kora ömwë ono bhaatanyankëri? Bhaaitirë bhano bhaaraarekanga ukuusha ukwa Ömöntö uwa Heene uwa Waryobha! Ömöntö uwa Heene uyö, we bhoono bhëënyu mwaanyëërëëyë inikö, mokamwita!

Amangʼana agha Abhatomwa 2:23

Yëësu uyö, yaarëëtirwë kö-bhëënyu, ko bhono Waryobha yaamanyirë, na kya bhono yaatunanga ukurwa okosemoka. Kasi bhëënyu mokamohaneka ko-mosarabha, mokamwita, ko okohetera ko-bhantö bhano bhatarë Abhayahudi.

Yohana 19:15

Mbe, bhakashaghana bharaghamba igha, “Muruusi-ho! Mohaneke ko-mosarabha!” Piraato akabhabhöörya igha, “Kana, nkutuna mörë nhaneke omokama uwëënyu ko-mosarabha?” Abhanene abha abhasëngëri bhakamohonshora igha, “Bhëëtö tetoona omokama uwöndë hë, kasi n-Kaisaari umwene!”

Ruuka 23:4

Mbe, Piraato akatëëbhya abhanene abha abhasëngëri bhayö, hamwë na esango iya abhantö igha, “Ömöntö ono, tëmörööshë na obhosarya bhobhonswe igho hë.”

Mataayo 27:24

Hano Piraato yaangʼurrë igha takaatörrë ukusyörya emetwe ighya abhantö bhayö, ko bhoora waanyöörrë bhasimiri riihë, ku bhuyö akaghegha amanshë, akaisaabha amabhoko mo-bhantö hayö. Yaakörrë igho, ukwörökya igha, taana risoro ryoryonswe reera ko engʼana iyö. Ho yaamarrë, akabhatëëbhya igha, “Teneena risoro ku ukwitwa ukwa ömöntö ono ataana risoro. Ku bhuyö ghayö, moghakore bhëënyu abheene.”

Mataayo 27:22

Ghwiki Piraato akabhabhöörya igha, “Bhoono iyakë nkaakora Yëësu ono akobherekerwa igha Kiristo?” Abhantö bhonswe igho bhakakora ikituri bharaghamba igha, “Mohaneke ko-mosarabha!”

Mataayo 26:58

Peetero yaarwanga nyuma Yëësu kwa hare, okohekera mu-righari irya omonene uwa abhasëngëri. Akasoha mu-righari muyö, akaikara kö-bhööri hamwë na abharëndi, okore amaahe keno keraabhe.

Yohana 18:3

Mbe, Yuuda akatangata rikomo irya abhasirikare abha Ikiruumi, hamwë na abhasirikare abha risengerro bhano bhaatömirwë na bhanene abha abhasëngëri hamwë na Abhafarisaayo. Bhakaghya mu-bhusitaani muyö, bhaghötërrëëyë setara bheena imyenge na ibhyöghë.

Yohana 18:38

Piraato akamöbhöörya igha, “Obhoheene n-këntö kë?” Hano Piraato yaamarrë ököbhöörya engʼana iyö, akarishoka ghwiki kebhara, akatëëbhya abhatangati abha Abhayahudi igha, “Öni tenkomaaha obhosarya bhobhonswe igho kö-möntö ono hë.