Yohana 17:2 - Imuuma Eehya

² Wangʼaana ubhwera ubhwa okotangata abhantö bhonswe igho, okore mbahaane öbhöhöru ubhwa amakora ghonswe igho, abhantö bhonswe igho bhano waangʼaana.

Yohana 17:2 Referans Kwoze

Yohana 6:39

Keno akutuna ono yaantoma ni-igha, ntakasirya ömöntö kora ömwë ko bhano akongʼaana, kasi mbaryöki urusikö urwa umuhiko.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Yohana 17:9

Bhayö mbo nkosabhera, ta-bhantö abha ko-kebhara kono igha mbo nkosabhera hë, m-baara wangʼaana mbo nkosabhera, ko bhoora bhayö mbo abhantö abhaaho.

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 4:14

Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Yohana 3:35

Taata Waryobha nahanshirë Omoona uwaaye, kora amohaayë ëbhëntö bhyonswe igho.

1 Yohana 2:25

Riraghano reno yaatoraghaini ni-igha, tunyoore öbhöhöru ubhwa amakora ghonswe igho.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.

Abhaëbhuraania 1:2

Kasi bhoono, ko-senkaagha seno isya umuhiko, nkushumaasha arë na bhëëtö, okohetera ko-Moona uwaaye. Uyö we Waryobha yaashaaghora, araaghere umwandö ughwa ëbhëntö bhyonswe igho. Kora ghwiki Waryobha yaabhömbirë ekebhara okohetera ku-uyö.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

1 Yohana 1:2

Engʼana iya öbhöhöru uyö, we Waryobha yaahönyööyë ko-bhantö, kora bhëëtö bhonswe ntwaamörööshë. Ku bhuyö ghano tokobhatëëbhya, no-bhoheene ubhwa amangʼana aghaaye. Torabhatëëbhya igha, ömöntö uyö akohaana abhantö öbhöhöru, ho arë amakora ghonswe igho. Ömöntö uyö, yaarenga hamwë na Taata Waryobha, kasi bhoono Waryobha yamohonyora kö-bhëëtö.

1 Timoteo 1:16

Kasi Yëësu Kiristo yaanyabhëëyë! Yaanyöörökëri ököghömërrya ukwaye kya bhono körë ku-öni uwa ëbhëbhë okokera bhonswe igho. Yaakörrë igho, okore mbe ëkërëngyö ko-bhantö bhano bharaamukumi na ukunyoora öbhöhöru ubhwa amakora ghonswe igho.

Abhafiripi 2:10

okore ëbhëntö bhyonswe igho, bhesooke iriina irya Yëësu, ibhya mu-ryobha, ibhya ko-kebhara na ibhya mu-kyaro ikya abhaku.

Abhaëfësö 1:20

seno Waryobha yaaryökëëyi Kiristo Yëësu ukurwa mo-bhaku, akamwikarya bhoryo ubhwaye, ahasë hano hatakomaahwa.

1 Abhakörintö 15:25

Ko bhoora ni-igha Kiristo atonge okohekera hano aretashera hansë abhabhisa abhaaye bhonswe igho.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Mataayo 25:46

“Ho bhoono abha ëbhëbhë bhayö, bharyemoka bhaghende mu-bhushibhu ubhwa amakora ghonswe igho. Kasi abhantö abha heene bhaara, bho mbaresoha mö-bhöhöru ubhwa amakora ghonswe igho.”