Yohana 17:15 - Imuuma Eehya

¹⁵ Öni tenkosabha igha, obharuusi ko-kebhara kono, kasi obhagheterre ko Omoghogho oora.

Yohana 17:15 Referans Kwoze

1 Yohana 5:18

Ntomanyirë igha, omoona uwa Waryobha taköghëndërrya okokora ëbhëbhë hë. Keno kekoghera ataköghëndërrya okokora ëbhëbhë, n-ko bhoora Yëësu Kiristo akomorenda. Ku bhuyö Oghosambwa teghokomokora ngʼana hë.

2 Abhatësarönikë 3:3

Kasi Omonene Yëësu uwa heene, naraabhatogheke na abharende motakaanyoorwa na mangʼana agha Omoghogho oora.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Ruuka 11:4

Utwabhere ëbhëbhë ibhyëtö, kya bhono tukwabhera bhano bhakotosarrya. Otakaatohatërrya mo-mashaashyo, [kasi ötötöörri ko-mashaashyo agha Omoghogho oora].’ ”

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

Mataayo 5:37

Hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene. Aghandë ghonswe igho ghano ghakoheteera hayö, nko-Ghosambwa ghakurwera.”

Ruuka 22:32

Kasi nkosabhëëyë ku-Waryobha, okore umukumo ughwaho ghotakasuuha. Na hano urinkyorra, oseghe bharikyaho.”

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.