Yohana 16:5 - Imuuma Eehya

⁵ Mbe, bhoono öni nkughya ndë ko-Taata, uyö we yaantoma kö-bhëënyu. Taaho ömöntö uwa ökömböörya igha, ‘Kana, hai ukughya?’

Yohana 16:5 Referans Kwoze

Yohana 13:36

Mbe, Simööni Peetero akabhöörya Yëësu igha, “Kana Omonene, hai ukutuna ukughya?” Yëësu akamohonshora igha, “Ahasë hano nkutuna ukughya, uwe tootore ukughya-yo bhoono igho hë, kasi nurighya-yo nkaagha iyëndë.”

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 17:4

Öni nöörökya abhantö ubhuhika ubhwaho ko-kebhara kono, ko okomarërrya meremo gheno waantömirë igha ngekore.

Yohana 16:10

Ko amangʼana agha obhoheene ubhwabho, n-ko bhoora öni nkughya ko-Taata, ghwiki temoremaaha röndë hë.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 16:16

“Ritighaayë ribhagha ike igho, temommaahe hë, ghwiki ribhagha riike riyö hano reraahete, mommaaha.”

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 6:62

Bhoono iyakë erebha hano moreemmaaha öni Omoona uwa Ömöntö, ndatiira ukughya mu-ryobha ahasë hano naarë ekembere?

Yohana 17:13

Bhoono Taata nku-uwe nkuusha, na amangʼana ghano, nkoghaghamba ndë ko-kebhara kono, okore ukushomerwa ukwane kobhe mo-senkoro isyabho.

Yohana 16:17

Mbe, abheegha abhaaye abhandë bhakabhoorania igha, “Në-ëëhë ensonga iya ghayö akoghamba igha, ‘Ritighaayë ribhagha ike igho, temommaahe hë, ghwiki nderaahete ribhagha ike igho, mommaahe,’ na iyö akoghamba igha ‘N-ko bhoora öni nkughya ko-Taata’?”