Yohana 16:3 - Imuuma Eehya

³ Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 16:3 Referans Kwoze

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

Yohana 8:55

Bhëënyu temomanyirë Waryobha hë, kasi öni nemomanyirë. Hano ndaaghambe igha temomanyirë hë, hayö nendaabhe omorongo kya bhëënyu. Kasi öni nemanyirë Waryobha, ghwiki ghano akoghamba, nkoghaghoota ndë.

Yohana 8:19

Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

1 Abhakörintö 2:8

Taaho ömötöngi uwa ko-kebhara kono kora ömwë, ono amanyirë obhongʼaini bhuyö. Singa bhakaabhomanyirë, tebhakaahanëkirë Omonene uwa ubhuhika ko-mosarabha hë.

Yohana 15:23

Ömöntö ono akondegha, nkoregha arë na Taata wonswe.

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

Amangʼana agha Abhatomwa 3:17

“Bhoono abhahiiri abhëëtö, ghayö ghonswe igho mwaakörëëyë Yëësu, bhëënyu na abhanene abhëënyu, nemanyirë igha, mwaakörrë motamanyirë keno mwaakoranga.

1 Yohana 2:23

Ömöntö ono akwanga Omoona uwa Waryobha, uyö taana öbhömwë na Taata Waryobha hë. Kasi, ono akwikërrya Omoona uyö ko-bhantö, uyö naana öbhömwë na Taata Waryobha.