Yohana 15:5 - Imuuma Eehya

⁵ “Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Yohana 15:5 Referans Kwoze

Abhafiripi 4:13

Nkotora ndë okokora ghonswe igho ghayö, ko bhoora Kiristo we akongʼaana singuru isya okokora ghayö.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

2 Abhakörintö 13:8

Ngambirë igho, ko bhoora tetootore okokora engʼana yoyonswe eera, iya okorebherra obhoheene, kasi no-kokora ëkëntö ko okoghera iya obhoheene.

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Yaakobho 1:17

Ëkëntö ikiiya kyokyonswe keno tokohaanwa, mu-ryobha kikurwa, ku-Waryobha Ömöbhömbi uwa emerengaari. We takwisyöryasyörya kya ikiiriiri hë.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

Yohana 12:24

No-bhoheene nkobhatëëbhya igha, hano imbusiro iya engano etatubhiriibhwi mo-marobha ikwe tekomera hë. Kasi hano eraatubhiribhwi, emare ikwe, hayö ho ikwama sehagho sinsharu.

Abharuumi 7:4

Abhakumya bharikyëtö, amangʼana ni-igho gharë na kö-bhëënyu bhonswe. Kya bhoora ërëngë igha, hano ömöntö yaakwa, takobhandërribhwa ghwiki na amaraghërryö hë, na bhëënyu bhonswe ni-igho ërë igha, temokotangatwa na amaraghërryö agha Mosa hë, mwahanekwa ko-mosarabha hamwë na Yëësu Kiristo. Bhoono bhëënyu na-bhantö abha Yëësu Kiristo mörë. Yëësu Kiristo uyö, yaaryökiibhwi ukurwa mo-bhaku, okore atohaane obhotoro ubhwa okokorra Waryobha emeremo.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Yohana 9:33

Singa ömöntö uyö ataarwa ku-Waryobha, takaatörrë okokora ghayö hë.”

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

Abharuumi 6:22

Bhoono, mmoona ehoorohooro ko bhoora Waryobha abhahaayë öbhötöönööni, okore motakaabha abhaghorwa abha ëbhëbhë. Ku bhuyö bhëënyu mobhaayë abhaghorwa abha Waryobha. Mmoona ubhwera ubhwa okosaabhuurwa mobhe abhaköri abha emeremo abhaaye. Ehoorohooro iyaamo, nö-bhöhöru ubhwa amakora ghonswe igho.

Amangʼana agha Abhatomwa 4:12

“Öbhöhönia nku-Yëësu Kiristo umwene igho bhokotooka! Mu-kyaro kyonswe igho, taaho ömöntö ono Waryobha yaahaana ubhwera ubhwa ökötöhönia, kasi n-Yëësu Kiristo umwene igho!”

1 Abhakörintö 12:12

Ömöbhërë n-gömwë, imyaho ighya-ko m-myaru. Kasi imyaho imyaru ghiyö, ngyo ghekokora ömöbhërë öghömwë ghuyö. Mbe, kya igho ömöbhërë ghörë, ni-igho ërë na kö-möbhërë ughwa Yëësu Kiristo.

1 Peetero 2:4

Yëësu we reghena rihöru irya okohaghaashera. Reghena riyö, ndyo abhantö bhaangirë, kasi Waryobha akarishaaghora, kora ndeena ubhwera obhonene ku-Waryobha. Mbe, musuntarre Yëësu.

1 Abhakörintö 12:27

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

Abhaëfësö 5:9

Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta.

2 Abhakörintö 9:10

Waryobha we akohaana abhantö imbusiro, bhëmya, na ibhyakorya ibhya okorya, naraabhaane imbusiro insharu iya ukubhusura, igha, naraabhakore mobhe abhantö abha heene ko okohaana abhantö ëbhëntö.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

Abharuumi 12:5

Ömöbhërë ughwa Kiristo ghonswe ni-igho ghörë. Bhëëtö ntonga kya imyaho imyaru ighya ömöbhërë ughwa Kiristo. Kera ömöntö nu-mwaho ughwa murikyaye kö-möbhërë kuyö.

1 Abhakörintö 10:16

Hano twakumya Waryobha ko okoghera iya ekekombe ikya obhongʼoore keera, hayö ta-maanyinga agha Yëësu Kiristo ukunyoora torasanga? Omokaate ghono tokobhotora, hayö tö-möbhërë ughwa Yëësu Kiristo ukunyoora torasanga?

Mataayo 13:21

Kasi nkukumya arë engʼana iya Obhokama ubhwa Waryobha iyö ibhagha ike igho, ko bhoora umukumo ughwaye ghotahirrë imiri bhököngʼu. Mbe, hano amangʼana ghamokongʼera handë amateeso ghaashe ko okoghera iya engʼana iyö, n-kamwë igho akutigha ukukumya Waryobha.