Yohana 15:4 - Imuuma Eehya

⁴ Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Yohana 15:4 Referans Kwoze

1 Yohana 2:6

Hano ömöntö yaghamba igha aana öbhömwë na Waryobha, ni-igha abhe kya bhono Yëësu yaarë.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Yohana 8:31

Mbe, Yëësu akatëëbhya Abhayahudi bhaara bhaamukumiri igha, “Hano moraaghëndërri okoghoota amëëghyö aghaane, hayö moraabhe abheegha abhaane abha heene.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.

Yohana 6:56

Ömöntö ono akorya ömöbhërë ughwane na ukunywa amaanyinga aghaane, uyö nköghëndërrya arë okobha na öbhömwë na öni na öni wonswe nköghëndërrya ndë okobha öbhömwë nawe.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Ruuka 8:15

“Kasi simbusiro seno syaatöönyirë mu-rirobha iriiya, siyö na-bhantö bhano bhakwighwa engʼana iya Waryobha. Hano bhamara ukughitegherra, bhaghetoora mo-senkoro isyabho sinshiiya, na eno bharaghëndërrya okoghenaghya. Bhayö mbo bhakobha na örööbhö senkaagha syonswe igho.

2 Abhakörintö 13:5

Mwiyitaahe bhëënyu abheene, mwimmaahe nyoore m-maheene mmoona umukumo. Kasi temomanyirë igha, Yëësu Kiristo mö-bhëënyu muyö arë? Hano oraanyoore igha ti-igho ërë hë, hayö momanye igha, ubhwitaahi ubhwënyu, tëbhöhëkërëëyë ekerengere keno kikutunwa hë.

Abhakorosaai 2:6

Bhoono ko bhoora mwaakumya Kiristo Yëësu igha m-Monene uwëënyu, möghëndërri okobha na öbhömwë nawe.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

1 Abhatësarönikë 3:5

Ho yaahikirë-ho enkaagha eno naakërrwë ököghömërrya, nkatoma Timoteo kö-bhëënyu, okore mmanyërri amangʼana agha umukumo ughwënyu. Naakörrë igho, ko bhoora naakanyanga igha, handë umushaashi uwa amangʼana oora aratora okobhashaashya na okobhasirya. Hayö ho bhoono emeremo ghyonswe igho gheno twaakörrë kö-bhëënyu, ghekaahëtirë bhosa igho.

Abhaëbhuraania 10:39

Bhëëtö tëtörëngë mo-bhano bhakutigha Waryobha, bhasira, kasi ntörëngë mo-bhano bhaana umukumo ghono ghökötötöörya.

Mataayo 12:33

Yëësu akaghëndërrya okoghamba igha, “Ömötë umuuya, sehagho isyako syonswe ni-nshiiya. Kasi ömötë omoghogho, sehagho isyako syonswe ne-ngogho. Ku bhuyö ömötë umuuya handë omoghogho, nkoghomanyera örë ko-sehagho isyako.