Yohana 15:16 - Imuuma Eehya

¹⁶ Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:16 Referans Kwoze

Yohana 15:19

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Ruuka 6:13

Hano bhwaakëëyë, akabherekera abheegha abhaaye. Akashaaghora-mo abhantö ikömi na bhabhërë mo-bheegha abhaaye muyö, akabhabherekera igha abhatomwa. Amariina agha abhatomwa bhayö m-baabho,

Abhagharatia 1:15

Kasi Waryobha yaanshaaghööyë kora ntareebhorwa, kö örööbhö urwaye, akamberekera, akamaaha igha,

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

Amangʼana agha Abhatomwa 22:14

“Akantëëbhya igha, ‘Waryobha uwa abhakörö abhëëtö, akushaaghööyë, okore omanye righonshe iryaye, kora omaahe ömöntö uwa heene ku-Waryobha, na wighwe obhoghambi ubhwaye umwene.

2 Timoteo 2:2

Amëëghyö ghaara waaighwa ndaghamba harabhu igho mo-bhaimërërri abhaaru, bhoono uwe oghaghööti abhantö abha heene, bhano bharaatore ukwëghya abhantö abhandë.

Yohana 13:18

“Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

1 Peetero 3:15

Mwisëëmi nkaagha syonswe igho okohonshora ömöntö wowonswe ono araabhabhööri keno mukwesegha. Mokorenga igho kwa obhohaabhu na esooko,

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

Amangʼana agha Abhatomwa 1:24

Ku bhuyö bhakasaasaama igha, “Omonene nu-uwe omanyirë senkoro isya abhantö bhonswe igho. Ku bhuyö, torakosaasaama utwöröki ono ushaaghööyë ko-bhantö abhabhërë bhano.

Abharuumi 15:4

Amangʼana ghonswe igho ghano ghaandëkirwë kare, ngaandëkirwë, okore ghatwëghi ököghömërrya inyanko. Amaandeko ghayö nkotohaana gharë ubhweseghe.

Amangʼana agha Abhatomwa 9:15

Kasi Omonene akamohonshora igha, “Uwe kaghi! Ömöntö uyö, nö-öni mushaaghööyë, ankorre emeremo. Uyö we araaraareke amangʼana aghaane, ko-Bhakyaro, abhakama abhaabho, na ko-Bhaisiraëri.

Mataayo 21:22

Hano moraabhe na umukumo, kyokyonswe keera moraasabhenga ku-Waryobha, moraanyoorenga.”

2 Timoteo 1:11

Öni naashaaghorwa mbe omoraarëki, omotomwa, na umwëghya uwa Amangʼana Amaiya ghayö.

1 Abhakörintö 10:11

Mbe, ghayö ghonswe igho ghaabhanyöörrë, ngaandëkirwë, okore ghabhe ëbhërëngyö ibhya okotokaania, bhëëtö bhano törëngë ku-sinsikö isya umuhiko.

Abharuumi 9:21

Ömöntö ono akobhomba ekebhegha, naana ubhwera ubhwa okobhomba ebhebhegha kya bhono akutuna. Aratora okobhomba ebhebhegha bhibhërë ko-matoto ghaaraghaara, kasi ikyëndë akekora ikya abhaghëni, na ikyëndë ikya okokorra emeremo sinkö syonswe igho.

Yaakobho 3:18

Hano abhantö abha omorembe bhaabhusura imbusiro iya omorembe, omanye igha nö-bhöntö ubhwa heene bhareghesa.

Abhaëbhuraania 11:4

Umukumo, ghwaaghërrë Abhëëri akamwensera Waryobha ikimwenso ikiiya okokera keno Kaini yaamwënsirë. Ku bhuyö Abhëëri akatëghërya Waryobha, kora akabharwa igha n-wa heene. Waryobha yaaikërëëyi ikimwenso ikya Abhëëri, ku bhuyö nokaanyoora igha yaakwa, kasi umukumo ughwaye nköghëndërrya ghökërë okobha ëkërëngyö ikiiya na wanyareero.

Tiito 1:5

Hano naaruurë Kerete hayö, naakutighirë-ho igha, omarërri okokora amangʼana ghaara ghaatighaayë, hamwë na ukushaaghora abhaghaaka abha ekanisa mu-mighi ghyonswe igho, kya bhono naakoraghërrya.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

Abharuumi 1:5

Waryobha yaangʼaayë örööbhö mbe omotomwa, okohetera ku-uyö. Yaakörrë igho, okore ntëëbhi Abhakyaro bhonswe igho, bhakumi Yëësu, kora bhatööni iriina iryaye.

Amangʼana agha Abhatomwa 10:41

Kasi tiyaamaahekaini ko-bhantö bhonswe igho hë, nko-bhaimërërri bhano Waryobha yaahööyë ukurwa kare. Abhaimërërri bhayö, m-bëëtö. Hano yaaryökirë ukurwa mo-bhaku, ntwaasangirë hamwë ibhyakorya na ukunywa nawe.

1 Timoteo 2:7

Kiyö nkyo ikibhuno keno kyaaghërrë Waryobha akaanyahora igha mbe omotomwa na Omoraarëki uwa Amangʼana Amaiya. M-maheene nkobhatëëbhya, tenkorongoha hë. Waryobha yaanyahööyë okobha umwëghya uwa Abhakyaro, okore ndaarekenga amangʼana agha umukumo na obhoheene.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Amangʼana agha Abhatomwa 1:8

Kasi murinyoora singuru hano Umwika Ömöhörëëru ariisha kö-bhëënyu. Ho morebha abhaimërërri abha amangʼana aghaane Yërusarëëmu, Yudea yonswe igho, Samaaria na kora ko-kebhara kyonswe igho.”

Mataayo 7:7

Yëësu akaghëndërrya okoghamba igha, “Mosabhenga Waryobha keno mukutuna, naraabhahaane. Mutunenga, Waryobha naraabhatöörri munyoore kiyö mukutuna. Mokongʼontenga ko-kesaku, Waryobha naraabheghorre-ho.

Yohana 15:5

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.