Yohana 15:15 - Imuuma Eehya

¹⁵ Tembabherekere ghwiki igha m-baghorwa mörë hë, ko bhoora omoghorwa tamanyirë keno omonene uwaaye akokora hë. Kasi bhëënyu mobhaayë abhasaani abhaane, ko bhoora nembahönyörrëëyë ghonswe igho ghano naaighuurë ko-Taata.

Yohana 15:15 Referans Kwoze

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Yaakobho 2:23

Ghayö ngaakörrwë, kora ghakandekwa mo-Maandeko Amahörëëru igha, “Ibhurahimu yaakumiri Waryobha, kiyö nkyo kyaaghërrë Waryobha akamobhara igha wa heene.” Akabherekerwa igha, m-mosaani uwa Waryobha.

Abhakorosaai 1:26

Engʼana iyö iya ikibhisirë, yaabhisirwë ukurwa kare, amakora ghonswe igho. Kasi bhoono yatoorwa harabhurabhu igho ko-bhantö abha Waryobha.

Okohonyora 1:1

Kono no-kohonyora ukwa Yëësu Kiristo. Waryobha yaahaayë Yëësu Kiristo okore ööröki abhaköri abha emeremo abhaaye amangʼana ghano heene ghakaangöhirë ukwikora. Yëësu wonswe akatëëbhya maraika uwaaye ahonyorre Yohana, ömököri uwaaye uwa emeremo.

Abhaëfësö 3:5

Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Yohana 8:26

Neena amangʼana amaaru ghano nkaaghambirë, na agha okobhabhotorra ibhiina bhëënyu, kasi tenkore igho hë. Ko bhoora öni nkötëëbhya ndë abhantö bhonswe igho amangʼana ghano nighuurë ukurwa ko-ono yaantoma. Uyö yaantoma, nu-uwa obhoheene.”

1 Peetero 1:11

Mbaarë na Umwika uwa Kiristo, uyö we yaaröötirë igha, Kiristo nakaatëësirwë, na hano inyaanyi iyö erehwa, narinyoora ubhuhika. Abharööti bhayö, bhaatunanga bhököngʼu bhamanye amangʼana ghayö igha, n-dööhë gharebha, na iyakë gharebha.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

Firimoni 1:16

Ukurwa bhoono igho, tarëngë kya omoghorwa ku-uwe hë. Kasi nakërrë omoghorwa. Uyö m-mura uwëënyu omoghonshe. Öni nemohanshirë bhököngʼu, kasi uwe, noraamohanshe bhököngʼu konkera. Noraamohanshe igha m-moghorwa uwaaho, na ko bhoora igha m-Mukiristo murikyaho.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Yohana 13:16

No-bhoheene nkobhatëëbhya igha, omoghorwa, taatore okobha omonene kokera omonene uwaaye. Omotomwa, te-monene okokera ono amötömirë.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Amangʼana agha Abhatomwa 20:27

Ko bhoora tenaakubhiri okobhatëëbhya ko obhokarë ghonswe igho ghano Waryobha akutuna momanye.

Yohana 4:19

Omokari uyö akahonshora Yëësu igha, “Omonene, ndööshë igha uwe, m-mörööti örë.

Ruuka 10:23

Yëësu akaisyörrya abheegha abhaaye bharëngë abheene igho hagharë, akabhatëëbhya igha, “Bhëënyu mwangʼoorwa, ko bhono mukwimaahera amangʼana ghano.

Yohana 16:12

“Amangʼana m-maaru nkenagho agha okobhatëëbhya, kasi temotore okoghamanya ko bhoono igho hë.

Abharuumi 7:15

Öni temanyirë keno nkokora hë. Ko bhoora keera nkutuna igha nkore, tenkokekora hë, kasi keno nkokora, n-keera ntakutuna igha nkore.

1 Abhakörintö 2:16

N-kya bhono Amaandeko Amahörëëru ghakoghamba igha, “Taaho ömöntö ono amanyirë amaitegherro agha Omonene Waryobha hë, taaho ömöntö ono akotora okomoraghërrya hë.” Kasi bhëëtö nkwitegherra törë ghano ghakurwa ku-Kiristo.