Yohana 15:11 - Imuuma Eehya

¹¹ “Mbatëëbhëri amangʼana ghayö, okore mushomerwe kya bhono öni nkushomerwa, kora ukushomerwa ukwënyu kohekerane.

Yohana 15:11 Referans Kwoze

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Yohana 17:13

Bhoono Taata nku-uwe nkuusha, na amangʼana ghano, nkoghaghamba ndë ko-kebhara kono, okore ukushomerwa ukwane kobhe mo-senkoro isyabho.

Yohana 16:24

Kasi nanyabhoono, temoraasabha kyokyonswe igho ku-Waryobha okohetera ku iriina iryane. Motasabha ku-Waryobha naraabhahaane, okore ukushomerwa ukwënyu, kohekerane.

1 Yohana 1:4

Nkobhandekera törë ghano, okore bhëëtö bhonswe igho tushomerwe bhököngʼu.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

2 Yohana 1:12

Neena amangʼana amaaru ghano naakutuna igha mbatëëbhi, kasi tinkutuna igha ngandeke ku-ritashandighi kono. Ko bhoora nkwitengʼera ndë igha, nendaashe kobhataarra. Hayö bhoono ho turishumaasha hamwë, kora nturishomerwa bhonswe igho.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

2 Abhakörintö 1:24

Ti-igha nkobhaaha törë umukumo ughwënyu, kasi bhëëtö na-bhaköri abha emeremo hamwë na bhëënyu, ko okoghera iya ukushomerwa ukwënyu, ko bhoora umukumo ughwënyu ghwanagha.

1 Abhatësarönikë 5:16

Mushomerwenga senkaagha syonswe igho,

Ruuka 15:32

Kasi mura uwëënyu ono, ni-igha tomokorre inyangi, tushomerwe hamwë bhonswe igho. Ko bhoora, yaarenga kya ono akuurë, kasi bhoono m-möhöru. Yaarenga asirrë, bhoono atöökirë.’ ”

Ruuka 15:9

Na hano yaghinyoora, nkobherekera arë abhamenyani abhaaye na abhasaani abhaaye, abhatëëbhya igha, ‘Tushomerwe hamwë, ko bhoora nyöörrë ehera iyaane eno yaarë isirrë.’

Abhafiripi 1:25

Ko bhoora neena obhoheene ubhwa engʼana iyö, nemanyirë igha nendaaghëndërri okobha ko-kebhara kono. Ghwiki nendaabhe hamwë na bhëënyu bhonswe igho, okore mbatöörri mukiine ku-mukumo ughwënyu na mushomerwe.

Abhaëfësö 5:18

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

Yohana 3:29

Umwenga nu-uwa ömötëti. Kasi omosaani uwa ömötëti, ono akwimerra haangʼë na ömötëti, na ukwighwa bhono akoghamba, nkushomerwa arë bhököngʼu hano yaighwa engamba iya ömötëti. Ku bhuyö kono nko ukushomerwa ukwane, kono kwahekerana.

Ruuka 15:5

Na hano yaarinyoora, nkushomerwa arë, aresambeka ko-mareko.

Ruuka 15:23

Moreete rikööhë rinöru, momoghooghere toraaghere tushomerwe.