4 Bhëënyu mmomanyirë enshera iya ukuhika iyö nkughya.”
Öni, nö-öni ikihiita. Ömöntö ono okohetera ku-öni, naraatööribhwi, naraasohenga na ukurishoka, araghya mö-kërëësyö.
Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”
Umweya mu-nyumba iya Taata, m-moghare ghoomo, hano etakaabhaayë igho, nenkaabhatëëbhëri. Ko bhoora nkughya ndë okobhasëëmërya ahasë.
Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.
Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”
Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.
Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.
Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”
Kasi tiyaarë igha, Kiristo ateeswe, na asohe mu-bhuhika ubhwaye?”
Mbe, hano ndaaghi okobhasëëmërya ahasë, nendaamare nkyore ököbhööhya, okore ahasë hano ndaabhe, na bhëënyu mobhe-ho hamwë na öni.
Mbe, Toomasi akabhöörya Yëësu igha, “Omonene, bhëëtö tetomanyirë ahasë hano ukughya, bhoono iyakë toraamanye enshera?”
