13 Ëkëntö kyokyonse keno moraasabhe okohetera iriina iryane, nendaabhakorre, okore Taata atöönibhwi okohetera ko-Moona uwaaye.
Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.
Ku bhuyö ndabhatëëbhya igha, hano mwasaasaama na okosabha kyokyonswe keera, mukuminga igha, mukinyöörrë, hayö ho moraakinyoore.
Hano moraabhe na umukumo, kyokyonswe keera moraasabhenga ku-Waryobha, moraanyoorenga.”
Yëësu akaghëndërrya okoghamba igha, “Mosabhenga Waryobha keno mukutuna, naraabhahaane. Mutunenga, Waryobha naraabhatöörri munyoore kiyö mukutuna. Mokongʼontenga ko-kesaku, Waryobha naraabheghorre-ho.
Bhëëtö nkokareha törë bhököngʼu ukuhika haangʼë Waryobha, ko bhoora ntomanyirë igha, nkutwighwa arë hano twamosabha ryoryonswe igho okorengʼaana na righonshe iryaye.
Ghwiki enkaagha iyö hano irihika, temoresabha engʼana yoyonswe igho hë. “No-bhoheene nkobhatëëbhya igha, kyokyonswe igho keno moresabhanga Taata okohetera ku iriina iryane, narebhahaana.
Kora kyokyonswe igho keno tokomosabha, nkotohaana arë, ko bhoora nkwighwera törë amaraghërryö aghaaye, kora nkokora törë amangʼana ghano ghakumushomera.
Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.
Ëkëntö kyokyonswe keno moraansabhe okohetera ku iriina iryane, kiyö nendaakekore.
Ku bhuyö, mohongorranenga ëbhëbhë ibhyënyu na okosabherana ku-Waryobha, okore muhwënibhwinga amarööyë aghëënyu. Okosabha ukwa ömöntö uwa heene, nkoona singuru sinsharu isya okokora amangʼana amarito.
Nkotora ndë okokora ghonswe igho ghayö, ko bhoora Kiristo we akongʼaana singuru isya okokora ghayö.
Kasi hano oraanyoore ömöntö mö-bhëënyu muyö, asuuhirwë na obhongʼaini, asaasaame Waryobha, naraamohaane. Ko bhoora Waryobha m-mohaani ko-bhantö bhonswe igho, kora takohamera ömöntö hë.
Mbe, ko bhoora igha ntoona öbhömwë na Yëësu Kiristo, na ghwiki igha nkumukumya törë, ku bhuyö ntoona ubhweseghe ubhwa ukughya këtöönööni ku-Waryobha.
Ko-nkaagha iyö, moreesabhanga Waryobha okohetera ku iriina iryane. Tenkoghamba igha nembasabhera ko-Taata.
Öni na Taata, n-këntö këmwë törë.”
Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.
Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.
Urusikö urwa okomarërrya inyangi iyö, ndu-sikö oronene rwaabhanga. Mbe, Yëësu akemerra kö-bhööri ubhwa risengerro, akaghamba bhököngʼu igha, “Ömöntö ono araaighwe inyonta, aashe ku-öni, anywe amanshë.
Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.
Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.
Mbe, Yëësu akakonga araghamba igha, “Ömöntö ono akunkumya, tö-öni akukumya hë, kasi nkukumya arë ono yaantoma.
Ku bhuyö Yëësu akaghëndërrya okobhatëëbhya igha, “Mosabhenga Waryobha keno mukutuna, naraabhahaane. Mutunenga, Waryobha naraabhatöörri munyoore kiyö mukutuna. Mokongʼontenga ko-kesaku, Waryobha naraabheghorre-ho.
Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.
Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.
Mbe, töghëndërri ukukumya Waryobha okohetera ku-Yëësu Kiristo. Ko bhoora amangʼana aghëëtö agha ukukumya iriina iryaye, nkobha gharë kya ikimwenso keno tukumumwensera.
Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.
Hano naitegherra ësëëmyö enene iya Waryobha iyö, nkotema ndë hansë ibhiru mbasaasaamera ko-Taata uwëëtö Waryobha.
Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”
Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”
“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.
Mbe, hano Yuuda yaarishökirë kebhara, Yëësu akatëëbhya abheegha abhaaye igha, “Bhoono ubhuhika ubhwane, öni Omoona uwa Ömöntö, haangʼë bhörë bhomaahwe harabhurabhu igho. Kora ubhuhika ubhwa Waryobha mboraamaahekane aharabhurabhu igho okohetera ko amangʼana aghaane.
Mbe, ku bhuyö ni-igha, ömöntö ono akoghamba ekeghambo ekehya, asabhe Waryobha amohaane na obhotoro ubhwa okosesora ekeghambo kiyö.