Yohana 12:6 - Imuuma Eehya

⁶ Yuuda teyaaghambirë igho ko okoghera iya ukwabhera abhatöbhu, kasi n-ko bhoora m-mwibhi yaarë. We yaarë ömöghëghi uwa ikighushi ikya seehera. Yaaibhanga bheno bhyaatoorwanga mu-kighushi muyö.

Yohana 12:6 Referans Kwoze

Yohana 13:29

Ko bhoora Yuuda we yaabheekanga ikighushi ikya seehera, ku bhuyö abhandë bhakakanya igha, Yëësu yaatëëbhyanga Yuuda igha, aghi okoghora ëbhëntö ibhya inyangi iya Epasaka. Kasi abhandë bhakakanya igha, Yëësu nkötëëbhya arë Yuuda igha, ahaane abhatöbhu seehera.

Yaakobho 2:6

Kasi bhëënyu, nkosera mörë bhököngʼu abhatöbhu! Kanaa, abhaamë bhayö, te-bho bhakobhabhandërryanga, kora bhabhahira ko abhaahokania abha ibhiina?

Yaakobho 2:2

Toghambe igha, ömöntö ono aibhöhirë singibho sinshiiya, na atöörrë ku-kyara ikitwangʼa ikya esahaabhu, aishirë asöhirë mu-nyumba iya esango iyëënyu. Hano akomara ömötöbhu wonswe asohe aibhöhirë amatati.

1 Abhatësarönikë 5:22

Engʼana iyëndë ni-igha, mwibhashe amangʼana amaghogho ghonswe igho.

Abhagharatia 2:10

Abhatangati bhayö, bhaatosabhirë engʼana ëmwë igha, tuhiitenga abhatöbhu mo-bhakumya abha Yërusarëëmu haara. Engʼana iyö, nkoghetonerra ndë bhököngʼu.

1 Abhakörintö 6:10

abhaibhi, abha oronamba, abharëëbhi, abha amatöki, na abhasaki, tebharerya umwandö ughwa Obhokama ubhwa Waryobha hë.

Yohana 10:13

Ömököri uwa emeremo nkongʼosa arë ko bhoora tatöniibhwi na amangʼöndi ghayö hë.

Mataayo 21:13

Yëësu akabhatëëbhya igha, “Yandëkirwë mo-Maandeko Amahörëëru igha, ‘Risengerro iryane nderaabhe ahasë aha amasabhi.’ Kasi bhoono bhëënyu mörëkörrë kya ‘risana irya abhasaki!’”

Ruuka 8:3

Yoana mokaa Kuza wonswe ho yaarë. Kuza uyö, we yaarë umwimërërri uwa ëbhëntö ibhya omokama Herode Antipa. Yaare-ho Susana, na abhakari abhandë abhaaru. Abhakari bhayö, mbaasororanga ëbhëntö ibhyabho, kö ökötöörya Yëësu na abheegha abhaaye.

Yohana 12:5

“N-kwakë amaghuta ghayö ghataghöriibhwi sidinaari amaghana atatö bhahaane abhatöbhu?”