Yohana 11:51 - Imuuma Eehya

⁵¹ Kayafa tiyaaghambirë amangʼana ghayö ko okohansha ukwaye umwene hë, kasi n-ko bhoora yaarë omonene uwa abhasëngëri uwa omooka ghuyö. Ku bhuyö, bhuyö nö-bhörööti yaaruusyanga igha, Yëësu nakaakuurë ko okoghera iya Abhayahudi.

Yohana 11:51 Referans Kwoze

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

1 Abhakörintö 13:2

Ghwiki nekaabha na obhotoro ubhwa ukuruusya öbhörööti, kora mmanye imbumbure na amangʼana ghonswe igho, nenkaabha na umukumo omonene, ughwa okotora okongʼaanya singuku, kasi nyoore ntaana righonshe, m-bosa.

Yohana 10:15

kya bhono Taata ammanyirë, na öni nemomanyirë. Nö-öni nkwiruusya öbhöhöru ubhwane, okore amangʼöndi aghaane ghatakaasira.

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

Yohana 11:49

Mbe, ömwë mo-bhanene bhaara ono yaabherekerwanga igha Kayafa, m-monene uwa abhasëngëri yaarë ko-mooka ghuyö, akabhatëëbhya igha, “Bhëënyu temomanyirë ngʼana hë!”

Yohana 18:13

Mbe, bhakamuhira kanga ko-Anaasi, subhyara uwaabho Kayafa. Kayafa uyö, we yaarë omonene uwa abhasëngëri ko-mooka ghuyö.

1 Yohana 2:2

Uyö we ikimwenso ikya ukutwighwerrania na Waryobha ku ukuruusya-ho ëbhëbhë ibhyëtö. Ghwiki të-bhëbhë ibhyëtö ibhyene igho hë, kasi kora na ëbhëbhë ibhya abhantö bhonswe igho abha ko-kebhara kono.