Yohana 11:42 - Imuuma Eehya

⁴² Nemanyirë igha nkunyighwa örë nkaagha syonswe igho, kasi nengambirë amangʼana ghayö, ko okoghera iya rikomo irya abhantö bhano, okore bhakumi igha, nu-uwe waantoma.”

Yohana 11:42 Referans Kwoze

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

Abhaëbhuraania 7:25

Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.

Abhaëbhuraania 5:7

Mbe, enkaagha eno waanyöörrë Yëësu Kiristo akërëngë ko-kebhara kono, yaasabhirë, akasaasaama, kora akakoorra bhököngʼu Waryobha mwene obhotoro ubhwa ukumuruusya mu-singuru isya uruku. Ko okoghera iya ubhwihöötu ubhwaye, Waryobha akamwighwera.

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 11:22

Kasi kora bhoono nemanyirë igha, kyokyonswe keno oraasabhe Waryobha, naraakohaane.”

Mataayo 26:53

Kasi tomanyirë igha, ndatora okosabha Taata andetere kamwë igho, abhamaraika abhasirikare okoheteera amajeeshi ikömi na abhërë?

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.

Yohana 11:31

Mbe, Abhayahudi bhano bhaatërëmyanga Maryamu ka hayö, hano bhaarööshë areemoka na okotanora bhöngöbhöngö, bhakamurwa nyuma, ko bhoora bhaakanyanga igha, nkughya arë ukukuura ko-mbeehera.

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Yohana 8:29

Ono yaantoma hamwë arë na öni. Taraantigha öni umwene igho hë, ko bhoora nkokora ndë ghano ghakumushomera nkaagha syonswe igho.”

Yohana 8:16

Kasi hano nabhotorra ömöntö ikiina, nkomobhotorra ndë ikiina ko obhoheene ko bhoora tëndëngë öni umwene igho hë, kasi hamwë ndë na Taata ono yaantoma.

Yohana 11:43

Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 12:11

ko bhoora ko okoghera iya ukuryökibhwa Raazaaro, Abhayahudi abhaaru bhakumiri Yëësu, bhakatighana na abhatangati abhaabho.

Yohana 12:17

Abhantö bhano bhaarë na Yëësu enkaagha eno yaabhërëkëëyë Raazaaro ukurwa mo-mbeehera akamuryökya ukurwa mo-bhaku, mbaaromaini amangʼana ghayö ko-bhantö.