Yohana 11:4 - Imuuma Eehya

⁴ Hano Yëësu yaaighuurë amangʼana ghayö, akaghamba igha, “Öbhörööyë bhuyö tibhumwite hë, kasi öbhörööyë bhuyö, nu-bhwa ukwörökya ubhuhika ubhwa Waryobha. Naröörrë, okore abhantö bhansooke öni Omoona uwa Waryobha, ko okohetera öbhörööyë bhuyö.”

Yohana 11:4 Referans Kwoze

Yohana 11:40

Yëësu akamohonshora igha, “Kasi, tënkötëëbhëri igha, hano oraankumi, noraamaahe ubhuhika ubhwa Waryobha?”

Yohana 9:3

Yëësu akabhahonshora igha, “Ono ti-muhukuru ko okoghera iya ëbhëbhë ibhyaye, handë ëbhëbhë ibhya abhaibhöri abhaaye. Kasi yaaibhööywë umuhukuru, okore obhotoro ubhwa Waryobha bhomaahekane ko-bhantö kö-bhöhöru ubhwaye.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

Abhafiripi 1:20

Ndaghanya kwa inyonta enene na ukwitengʼera igha, tënsöökërribhwi kwa nshera yoyonswe igho hë. Bhoono kya bhono yaarë sinsikö syonswe igho, nendaaghëndërri kwiköngʼërya mo-nkoro, okore Kiristo atöönibhwi ko ghano ghonswe igho nkokora, nekaakwa, handë hone.

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Yohana 9:24

Mbe, urwa kabhërë abhatangati abha Abhayahudi bhakabherekera ömöntö uyö yaarenga umuhukuru, bhakamötëëbhya igha, “Utyane ku-Waryobha igha, nkoghamba örë obhoheene! Bhëëtö ntomanyirë igha, ömöntö uyö yaakuhwënëri, m-mököri uwa ëbhëbhë.”

Yohana 8:54

Yëësu akabhahonshora igha, “Hano ndaaikumi öni umwene, ukwikumya ukwane tekoona ubhwera bhwobhwonswe igho hë. Kasi Taata, ono bhëënyu mokoghamba n-Waryobha uwëënyu, we akunkumya.

Abharuumi 11:11

Bhoono ghwiki nköbhöörya ndë igha, Abhaisiraëri mbaaituurrëtuurrë okore bhasike? A a, ti-igho hë! Kasi ko okoghera iya ukwanga ukwabho Ömötöörya, öbhötöörya bhongʼaanyëëyë ko-Bhakyaro, okore Abhaisiraëri bhabhe na inyonta iya ökötööribhwa.

Yohana 17:10

Abhantö abhaane bhonswe igho, na-bhaaho. Na abhantö abhaaho bhonswe igho na-bhaane. Ku bhuyö nyöörrë ubhuhika okohetera ko-bhantö bhayö.

Yohana 12:28

Taata Waryobha, honyora ubhuhika ubhwa iriina iryaho.” Mbe, engamba ekarwera mu-ryobha eraghamba igha, “Nhönyööyë ubhuhika ubhwane, kora ghwiki nendaaghëndërri okobhohonyora.”

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Yohana 10:38

Kasi oraanyoore ndakora emeremo gheno Taata akokora, nokaanyoora öni timukunkumya hë, kasi mukumi emeremo ghiyö. Okohetera ko-meremo ghiyö, ho moraamanye igha, Taata naana öbhömwë na öni, na öni wonswe, nneena öbhömwë na Taata.”