Yohana 10:6 - Imuuma Eehya

⁶ Yëësu yaatëëbhëri Abhafarisaayo ëkërëngyö kiyö, kasi bho tebhaamanyërrëëyi ghano yaabhatëëbhyanga hë.

Yohana 10:6 Referans Kwoze

Yohana 16:25

“Mbarëngëëyi amangʼana ghayö kö-bhërëngyö, kasi enkaagha iriihika-ho eno ntarebharëngëryanga, ko bhoora nindishumaashanga na bhëënyu harabhurabhu igho amangʼana agha Taata.

Mataayo 13:51

Yëësu akabhöörya abheegha abhaaye igha, “Momanyërrëëyi bhuuya ghayö ghonswe igho ngambirë?” Bhakamohonshora igha, “Yëë, ntomanyërrëëyi bhuuya.”

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

Yohana 8:43

N-kwakë motakomanya ghano nkoghamba? N-ko bhoora mukwanga amangʼana aghaane.

Yohana 8:27

Bho tebhaamanyirë igha, amangʼana ghayö yaashumaashanga nabho, na-agha Suwaabho uwa mu-ryobha.

Yohana 7:36

Ensonga iya ghayö aghambirë në-ëëhë, igha, ‘Murintuna, kasi timuriinnyoora hë. Kora ahasë hayö ndebha, bhëënyu temotore ukuhika-yo hë’?”

Yohana 6:60

Hano abhantö abhaaru mo-bheegha abhaaye bhaaighuurë amangʼana ghayö, bhakaghamba igha, “Amëëghyö ghano m-marito bhököngʼu! N-nawë akaghakumya?”

Yohana 6:52

Mbe, Abhayahudi bhakasimya ukunyeerana senkaani kö okobhoorania igha, “Ömöntö ono iyakë araatore okotohaana ömöbhërë ughwaye, toraaghere?”

Mataayo 13:34

Yëësu yaarëngëryanga abhantö ëbhërëngyö hano yaashumaashanga nabho. Tekeeho keno yaashumaashanga atarëngëri hë.

Maariko 4:34

Tiyaaghambirë nabho bhosa igho, atabharëngëëyi ëkërëngyö. Kasi hano yaatigharanga umwene na abheegha abhaaye, yaabhörökërranga amangʼana ghonswe igho.

Yohana 16:29

Mbe abheegha abhaaye bhakaghamba igha, “Tamaaha mbe, bhoono nkoghamba örë bhuuyabhuuya igho, kora tökörëngya ëbhërëngyö hë.

2 Peetero 2:22

Ömöntö uyö, natuubhaini kya oroghero rono bhaarëngëri igha, “Ësëësë ikyörëëyë okorya amaröki aghaayo,” ghwiki oroghero urwöndë nkoghamba rörë igha, “Ëmbëëshë eno yöghiibhwi, eraighaaraghaara ghwiki mo-matoto!” Ni-igho ekobha kö-möntö kya uyö.