Yohana 10:25 - Imuuma Eehya

²⁵ Kasi Yëësu akabhahonshora igha, “Öni mbatëëbhëri igha nö-öni wë, kasi bhëënyu timukukumya hë. Amakono ghano nkokora ko obhotoro ubhwa Taata, ngo ghakunyimererra.

Yohana 10:25 Referans Kwoze

Yohana 10:38

Kasi oraanyoore ndakora emeremo gheno Taata akokora, nokaanyoora öni timukunkumya hë, kasi mukumi emeremo ghiyö. Okohetera ko-meremo ghiyö, ho moraamanye igha, Taata naana öbhömwë na öni, na öni wonswe, nneena öbhömwë na Taata.”

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Yohana 14:11

Mukumi igha öni neena öbhömwë na Taata, na Taata wonswe naana öbhömwë na öni! Nyoore motakwikërrya engʼana iyö, mwikërri mbe ko okoghera iya emeremo gheno nkokora.

Abhaëbhuraania 2:3

Mbe, bhëëtö bho hano toraasere öbhötöörya obhonene kya bhono, iyakë toraakore tohone? Öbhötöörya bhuyö, ekembere mbwaaraarëkirwë na Omonene Yëësu, ghwiki bhokakangʼasërribhwa kö-bhëëtö na bhano bhaamwighuurë.

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Yohana 20:30

Mbe, bheeho ebhemanyërryö ibhyëndë ibhyaru ibhya amakono bheno Yëësu yaakörrë, mbere iya abheegha abhaaye, bheno bhetaandëkirwë mo-ketabho keno.

Yohana 12:37

Nokaanyoora Yëësu yaakörrë ebhemanyërryö ibhyaru ibhya amakono bharamaaha na amaiso aghaabho, kasi tebhaamukumiri hë.

Yohana 11:47

Mbe, abhanene abha abhasëngëri na Abhafarisaayo, bhakakora esango iya ribharasa rinene, bhakabhoorania igha, “Iyakë tokaakora bhamurë? Ko bhoora ömöntö ono ebhemanyërryö ibhya amakono m-byaaru akokora.

Yohana 10:32

Kasi Yëësu akabhatëëbhya igha, “Naabhöörökya amakono amaiya amaaru ghano naakora ko obhotoro ubhwa Taata. Ne-ngʼana kë eno ekoghera moratuna monteme na amaghena?”

Yohana 8:24

Kiyö nkyo këghërrë mbatëëbhëri igha moraakwe ko okoghera iya ëbhëbhë ibhyënyu. Mbe hano motaakumi igha ‘Öni Nö-öni,’ moraakwe ko okoghera iya ëbhëbhë ibhyënyu.”

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Yohana 7:31

Kasi abhantö abhaaru bhano bhaarë hayö bhakakumya Yëësu. Abhantö bhayö bhakaghamba igha, “Hano Kiristo ariisha, narekora ebhemanyërryö ibhyaru ibhya amakono okokera bheno ömöntö ono yaakora?”

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Yohana 8:56

Ghuuka uwëënyu Ibhurahimu yaashömëëywë bhököngʼu, okomanya igha öni nenkaaishirë. Yaabhaayë kya ono andööshë, ku bhuyö akashomerwa bhököngʼu.”

Yohana 10:37

Nyoore ntakokora emeremo gheno Taata akokora, motakaankumya.