Yohana 10:1 - Imuuma Eehya

¹ Yëësu akaghëndërrya ukushumaasha igha, “No-bhoheene nkobhatëëbhya igha, ömöntö wowonswe igho ono atakohetera mu-kihiita ikya riigho irya amangʼöndi, kasi n-handë igho akohetera, uyö nu-mwibhi, kora m-mosaki.

Yohana 10:1 Referans Kwoze

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.

Abhaëbhuraania 5:4

Taaho ömöntö ono yaaitooranga-ho umwene okobha omonene uwa abhasëngëri, kasi Waryobha we yaashaaghoranga omonene uwa abhasëngëri, kya bhono umwene yaashaaghööyë Haruuni.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.

2 Peetero 2:1

Kasi ko-nkaagha eera iya abharööti abha Isiraëri, bhaibhökirë abharööti abha obhorongo. Ni-ighoigho erebha kö-bhëënyu igha, abhëëghya nyangasheka mbaryebhoka. Abhantö bhayö, mbarësöhya amëëghyö agha ukusirya abhantö, na mbaryanga Omonene ono yaabhatungurya. Ko okokora igho, mbareghera ukusika ukwabho kobhangohere.

1 Peetero 1:10

Abharööti abha kare bhaakörrë omotono ughwa okomanyërrya öbhöhönia bhuyö, bhakaroota amangʼana agha örööbhö urwa Waryobha rono robhahëkërëëyë bhëënyu.

Abharuumi 10:15

Ghwiki iyakë abhantö bharaaghi okoraareka engʼana iyö igho bhatatömirwë? N-kya bhono Amaandeko Amahörëëru ghakoghamba igha, “Hano omoraarëki uwa Amangʼana Amaiya agha Waryobha ahikirë, abhantö nkushomerwa bharë!”

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Tiito 1:11

ko bhoora ukwëghya ukwabho, nkusirya körë abhantö mu-mighi ighyabho ghyonswe igho. Bharëëghya amangʼana ghano ghataana enshera, okore bhanyoore seehera, ko enshera engogho eno ëkösöökya.

Yohana 10:7

Mbe, Yëësu akabhatëëbhya ghwiki igha, “No-bhoheene nkobhatëëbhya igha, öni nö-öni ikihiita kiyö amangʼöndi ghakoheta-mo gharasoha mu-righo.