Yohana 1:51 - Imuuma Eehya

⁵¹ Ho yaamarrë akamötëëbhya igha, “No-bhoheene nkobhatëëbhya igha, moremaaha mu-ryobha hahönyökirë, abhamaraika abha Waryobha bharariina na ukwika ku-öni Omoona uwa Ömöntö.”

Yohana 1:51 Referans Kwoze

Amangʼana agha Abhatomwa 7:56

Mbe, akaghamba igha, “Momaahe! Nkomaaha ndë mu-ryobha hahönyökirë, na Omoona uwa Ömöntö, nikaayë bhoryo ubhwa Waryobha!”

Ruuka 22:43

Hayö ho maraika yaaruurë mu-ryobha, akaasha kötërëmya Yëësu.

Ruuka 2:13

Hake igho, amakomo na amakomo agha abhamaraika ukurwa mu-ryobha ghakatora. Bhakabha bharatöönia Waryobha igha,

Maariko 14:62

Yëësu akamohonshora igha, “Nö-öni. Moreemmaaha öni Omoona uwa Ömöntö nikaayë bhoryo ubhwa Waryobha uwa obhotoro, ndaasha ndëngë ko-masaarö.”

Maariko 1:10

Hano Yëësu yaaibhokanga ukurwa mo-manshë, akamaaha mu-ryobha hahönyökirë, na Umwika Ömöhörëëru akamwitoomera kya ikighuuti.

Mataayo 3:16

Ku bhuyö Yohana akabhatiisya Yëësu. Mbe, hano Yëësu yaaibhökirë ukurwa mo-manshë, tamaaha, mu-ryobha hakahonyoka, hayöhayö igho, Yëësu akamaaha Umwika uwa Waryobha araika kya ikighuuti, akamwikarra.

Amangʼana agha Abhatomwa 10:11

Mo-mamaaho muyö, akamaaha mu-ryobha hahönyökirë, na ëkëntö ekenene kenga ishuuka, keraikibhwa hansë, këghöötërrëywë ëbhëköbhöbhi ibhya-ko bhine.

Ruuka 3:21

Urusikö urwöndë, hano waanyöörrë Yohana ataraaghootwa na Herode, abhantö m-baaru yaabhatiisyanga. Yëësu wonswe yaaishirë-ho akabhatiisibhwa. Hano yaarenga akesaasaama Waryobha, mu-ryobha hakahonyoka.

Mataayo 4:11

Mbe, Oghosambwa ghokamutigha ibhagha ike igho. Tamaaha, abhamaraika abha Waryobha bhakaasha kutighinkanera Yëësu.

Okohonyora 19:11

Hano ghayö ghaahööyë, nkamaaha mu-ryobha haighökirë. Nkamaaha efaraasi endabhu. Ono yaaikaayë-ko, yaabherekerwanga igha, “Uwa heene” na “Uwa Obhoheene.” Nkobhotora arë ibhiina na ukwitana riihë ubhwa heene.

Okohonyora 4:1

Hano ghayö ghaahööyë, nkarekera amaiso ighörö. Ë! Nkamaaha ekesaku kighökirë mu-ryobha! Mbe, engamba kya iya orotera eno yaantëëbhëri ekembere, ghwiki akaghamba igha, “Nshö, riina kighörö eno, okore nkwöröki amangʼana ghano gharëngë igha, ni-igha ghabhe hano ghayö gharaahwe.”

2 Abhatësarönikë 1:7

Bhëënyu bhano mukunyankibhwa, murimuunya inyanko iyëënyu hamwë na bhëëtö. Ni-igho Waryobha arekora, enkaagha eno Omonene Yëësu aremaahekana ararwa mu-ryobha. Nariisha na ëbhëmörë ibhya omorro hamwë na abhamaraika abhaaye abha obhotoro.

Ruuka 2:9

Kamwë igho, bhakabhooshokerwa na maraika uwa Omonene Waryobha na emerengaari ighya Omonene Waryobha, ghekabhamërëkya mbaara syonswe igho. Bhakoobhoha bhököngʼu.

Abhaëbhuraania 1:14

Abhamaraika n-këntö kë? Bhayö tebhaana ömöbhërë hë, kasi mbo bhakokorra Waryobha emeremo. Kora nkobhatoma arë ukughya ukutighinkanera abhantö bhano bharaahönibhwi.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Yohana 10:1

Yëësu akaghëndërrya ukushumaasha igha, “No-bhoheene nkobhatëëbhya igha, ömöntö wowonswe igho ono atakohetera mu-kihiita ikya riigho irya amangʼöndi, kasi n-handë igho akohetera, uyö nu-mwibhi, kora m-mosaki.

Ruuka 22:69

Kasi ukurwa bhoono igho, öni Omoona uwa Ömöntö, nendaaikare bhoryo ubhwa Waryobha uwa obhotoro bhwonswe igho.”

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Yuuda 1:14

Henooko, ömöntö uwa muhungatë ukurwa ko-Adamu, yaaruusiri öbhörööti ko amangʼana agha abhantö bhayö igha, “Maaha, Omonene Waryobha araasha, hamwë na abhamaraika abhaaye abhahörëëru ëbhëkwë ibhyaru, bhano otaatore okobhara,

2 Abhatësarönikë 1:9

Ubhushibhu bhuyö, mbörëghëndërrya okobhasikya amakora ghonswe igho, kora mbarebha hare na Omonene Yëësu, na ubhuhika ubhwaye obhonene.

Yohana 14:12

No-bhoheene nkobhatëëbhya igha, ömöntö ono akunkumya, naraakore emeremo gheno öni nkokora. Kora ghwiki naraakore emeremo okokera ghiyö nkokora, ko bhoora nko-Taata nkughya.

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Ruuka 24:4

Hano waanyöörrë bhakeeroghoorra engʼana iyö, hake igho, abhashaasha bhabhërë bhakaimerra haangʼë nabho. Abhashaasha bhayö, bhaarenga bhatöörrë singibho seno sekomekameka, sendabhu shaa!

Mataayo 26:24

Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Yohana 21:18

No-bhoheene nkökötëëbhya igha, hano waarenga mumura, waaibhohanga singibho, ughya ahasë honswe hano ukutuna. Kasi hano oreghota, norerambeka amabhoko aghaaho, ömöntö uwöndë akwibhöhi singibho, akuhire hano otakutuna ukughya.”

Yohana 8:51

No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 6:32

Mbe Yëësu akabhatëëbhya igha, “No-bhoheene nkobhatëëbhya igha, tërëngë igha Mosa we yaahaayë bhaaghuuka wëënyu ibhyakorya bheno bhyaaruurë mu-ryobha, kasi n-Taata we akobhahaana ibhyakorya ibhya obhoheene bheno bhikurwa mu-ryobha.

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Yohana 16:20

No-bhoheene nkobhatëëbhya igha, bhëënyu moraakuure kora mobhaabhayere, kasi abhantö abha ko-kebhara kono, mbaraashomerwe. Moraabhaabhayere, kasi okobhaabhayera ukwënyu nkuriisyörya kobhe ukushomerwa ukwënyu.

Yohana 13:16

No-bhoheene nkobhatëëbhya igha, omoghorwa, taatore okobha omonene kokera omonene uwaaye. Omotomwa, te-monene okokera ono amötömirë.

Yohana 10:7

Mbe, Yëësu akabhatëëbhya ghwiki igha, “No-bhoheene nkobhatëëbhya igha, öni nö-öni ikihiita kiyö amangʼöndi ghakoheta-mo gharasoha mu-righo.

Yohana 6:53

Ku bhuyö Yëësu akabhatëëbhya igha, “No-bhoheene nkobhatëëbhya igha, hano moraange okorya ömöbhërë ughwane, na ukunywa amaanyinga aghaane öni Omoona uwa Ömöntö, temoobhe na öbhöhöru ubhwa amakora ghonswe igho hë.

Yohana 5:27

Ghwiki, yaamohaana ubhwera ubhwa okobhotorra abhantö ibhiina, ko bhoora m-Moona uwa Ömöntö.

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Mataayo 9:6

Keno nkutuna momanye ni-igha, öni Omoona uwa Ömöntö, neena obhotoro ubhwa ukwabhera abhantö ëbhëbhë ibhyabho ko-kebhara kono.” Ho Yëësu yaamarrë akatëëbhya ömörööyë uwa risusu uyö igha, “Emoka, ogheghe rishambi iryaho oghende yeeka waaho.”

Mataayo 8:20

Kasi Yëësu akamohonshora igha, “Nyamobhwe mbaana amaina aghaabho agha okoraara-mo, na ibhinyönyi mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Yohana 16:23

Ghwiki enkaagha iyö hano irihika, temoresabha engʼana yoyonswe igho hë. “No-bhoheene nkobhatëëbhya igha, kyokyonswe igho keno moresabhanga Taata okohetera ku iriina iryane, narebhahaana.

Yohana 13:38

Yëësu akamohonshora igha, “Uwe notora ukukwa ko okoghera iya öni? No-bhoheene nkökötëëbhya igha, teseeraghore, otaraanyikaana harë katatö.”

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Yohana 8:34

Yëësu akabhahonshora igha, “No-bhoheene nkobhatëëbhya igha, ömöntö wowonswe igho ono araaghëndërri okokora ëbhëbhë, uyö nkobha arë omoghorwa uwa ëbhëbhë.

Yohana 6:26

Yëësu akabhahonshora igha, “No-bhoheene nkobhatëëbhya igha, nemanyirë keno mokontonera. Nkuntuna mörë te-ko bhoora igha momanye ensonga iya ebhemanyërryö ibhya amakono bheno naakora, kasi n-ko bhoora naabhahaayë emekaate, mokarya, mokeeghota.

Yohana 1:50

Yëësu akamöbhöörya igha, “Nkukumya örë ko bhono nkötëëbhëri igha, nkörööshë hano waarë ku-mutiini haara? Nomaaha amangʼana amarito okokera ghano!”