Yohana 1:39 - Imuuma Eehya

³⁹ Yëësu akabhahonshora igha, “Muushe mbe mohamaahe.” Ku bhuyö bhakaghya, bhakamaaha hano amënyirë, bhakaikara nawe urusikö ruyö. Enkaagha iyö, yaarenga kya saa ikömi isya omoghoroobha.

Yohana 1:39 Referans Kwoze

Ruuka 24:29

Kasi, abheene bhakamosaasaama bhököngʼu aikare nabho hayö, bhakamötëëbhya igha, “Otaikara na bhëëtö hano, tokomaaha bhwirrë, kora ikisuntë keraasha.” Bhoono mbe akasoha mu-nyumba, akaghösörya nabho.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 4:40

Hano Abhasamaaria bhaahikirë ku-Yëësu, bhakamosaasaama aikare hamwë nabho, akaikara mu-mughi ghuyö sinsikö ibhërë.

Yohana 1:46

Kasi Natanaëri akabhöörya Firipö igha, “Ëkëntö ikiiya keratora ukurwera Nazarëëti?” Firipö akamohonshora igha, “Nshö omaahe.”

Okohonyora 3:20

Motamaaha! Mo-kesaku ndë nimërëëyë ndabherekera. Ömöntö ono araaighwe engamba iyaane na anyeghorre-ho ekesaku, nendaasohe mu-nyumba iyaaye, nsange nawe ibhyakorya.

Yohana 1:38

Mbe, Yëësu akaisyörya, akamaaha abheegha bhayö bharamosoorana. Akabhabhöörya igha, “N-kë mukutuna?” Bho bhakamohonshora igha, “Raabhi, kana hai ömënyirë?” Ensonga iya engʼana iyö “Raabhi,” ni-igha, umwëghya.

Yohana 1:40

Mo-bheegha abhabhërë bhano bhaaighuurë ghano Yohana yaaghambirë bhakasoorana Yëësu, yaabherekerwanga igha Anderea, mura uwaabho Simööni Peetero enda ëmwë.