Yohana 1:34 - Imuuma Eehya

³⁴ Mbe, Yohana akaghëndërrya okoghamba igha, “Öni namaaha amangʼana ghayö, ku bhuyö nkwimererra ndë igha, uyö we Omoona uwa Waryobha.”

Yohana 1:34 Referans Kwoze

Yohana 1:49

Natanaëri akamohonshora igha, “Raabhi, uwe m-Moona uwa Waryobha örë! Nu-uwe Omokama uwa Isiraëri!”

Mataayo 4:3

Oghosambwa ghokaasha, ghokamushaasha. Ghokatëëbhya Yëësu igha, “Nyoore m-Moona uwa Waryobha örë, tëëbhya amaghena ghano ghaisyöri, ghabhe emekaate.”

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Okohonyora 2:18

Ömöntö uyö akaghëndërrya okoghamba igha, “Andekera maraika uwa ekanisa iya Tiyatira, ömötëëbhi igha, Öni nö-öni Omoona uwa Waryobha. Neena amaiso kya ëbhëmörë ibhya omorro, na amaghörö agha okomekameka kya ishabha eno yaaghuutwa mo-morro. Mwitegherre ghano nkobhatëëbhya!

Abharuumi 1:4

Nokaanyoora igha ni-igho yaarë, kasi ko okohetera Umwika Ömöhörëëru, Waryobha yaamwahööyë igha abhe Omoona uwaaye uwa obhotoro bhwonswe igho, hano yaamuryökëri ukurwa mo-bhaku. Yëësu Kiristo uyö, we Omonene uwëëtö.

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

1 Yohana 4:9

Waryobha yöörökya righonshe iryaye kö-bhëëtö, ko okotoma Omoona uwaaye umumwëmwë ko-kebhara kono. Yaakörrë igho, okore okohetera ku-uyö, tunyoore öbhöhöru ubhwa amakora ghonswe igho.

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

1 Yohana 2:23

Ömöntö ono akwanga Omoona uwa Waryobha, uyö taana öbhömwë na Taata Waryobha hë. Kasi, ono akwikërrya Omoona uyö ko-bhantö, uyö naana öbhömwë na Taata Waryobha.

2 Abhakörintö 1:19

Nkoghamba ndë igho, ko bhoora Yëësu Kiristo, Omoona uwa Waryobha, ono öni, Siriwano, na Timoteo tokoraareka kö-bhëënyu, tiyaarenga ömöntö uwa ukwishooghania amangʼana agha ukwikërrya igha, “Yëë,” ghwiki ateme hayö ange igha, “A a.” Kasi ku-uyö, nkaagha sonswe igho ni-igha, “Yëë.”

Yohana 19:7

Abhayahudi bhakamohonshora igha, “Bhëëtö ntoona amaraghërryö, na ko okorengʼaana na amaraghërryö ghayö, ni-igha aitwe, ko bhoora akwikora igha m-Moona uwa Waryobha.”

Yohana 11:27

Maarita akamohonshora igha, “Obhoheene Omonene, nkukumya ndë igha, nu-uwe Kiristo, Omoona uwa Waryobha, ono akuusha ko-kebhara kono.”

Yohana 10:36

Taata we yaanyaahora, akantoma ko-kebhara, bhoono n-kwakë mokoghamba igha öni nkotoka ndë Waryobha hano naghamba igha, ‘Öni m-moona uwa Waryobha ndë?’

Maariko 1:1

Kono nko okosemoka ukwa Amangʼana Amaiya agha Yëësu Kiristo, Omoona uwa Waryobha.

Mataayo 27:54

Hano omonene uwa abhasirikare hamwë na bhano bhaarendanga Yëësu bhaaighuurë ikirighiti na okomaaha ghaara ghaaikörrë, bhakoobhoha bhököngʼu, bhakaghamba igha, “M-maheene ömöntö ono, m-Moona uwa Waryobha yaarë.”

Mataayo 27:43

Araitengʼeranga Waryobha, amötööri mbe tomaahe nyoore amohanshirë, ko bhoora yaaghambanga igha, ‘Öni m-Moona uwa Waryobha ndë.’”

Mataayo 27:40

Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho? Mbe, nyoore m-Moona uwa Waryobha örë, itöörya umwene, iika urwe ko-mosarabha kuyö.”

Mataayo 26:63

Yëësu tiyaamumurri hë. Mbe, omonene uwa abhasëngëri uyö akatëëbhya ghwiki Yëësu igha, “Ndakötëëbhya ku iriina irya Waryobha ömöhöru igha, tutyanere nyoore nu-uwe Kiristo, Omoona uwa Waryobha.”

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.

Abhaëbhuraania 7:3

Nkomaahekana ërë igha, abhaibhöri abha Mërikizëdëki, tebhamanyekaini hë. Kora eka iyaaye yonswe temanyekaini hë. Esemoko iya ukwebhorwa ukwaye na ukukwa ukwaye tebhemanyekaini hë. Uyö m-mösëngëri amakora na amakora kya Omoona uwa Waryobha.

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Ruuka 1:35

Maraika akamohonshora igha, “Umwika Ömöhörëëru narikwitoomera, na obhotoro ubhwa Waryobha ono arëngë kighörö iya bhyonswe igho, mburikukundikirya kya ikiiriiri. Ku bhuyö omoona ono uryebhora, narebha ömöhörëëru. Narebherekerwanga igha Omoona uwa Waryobha.

Maariko 1:11

Engamba ekarwera mu-ryobha, ekaghamba igha, “Uwe no-Moona uwaane omoghonshe örë, ono ököntëghërya bhököngʼu.”

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 8:29

Mbe, amasambwa ghayö ghakakongera Yëësu igha, “Ë Omoona uwa Waryobha, iyakë ukutuna okotokora? Kasi wishirë ukutusikya, kora enkaagha eno Waryobha yaatoora-ho iya ukutusikya etaraahika?”

Mataayo 4:6

Ghokamötëëbhya igha, “Nyoore m-Moona uwa Waryobha örë, irekera hansë, ko bhoora yandëkirwë mo-Maandeko Amahörëëru igha, ‘Waryobha naraatome abhamaraika abhaaye bhakogheghe mo-mabhoko aghaabho, okore otakaashe wituuretuure kwe-ghena.’”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Yohana 20:28

Toomasi akamohonshora igha, “Omonene uwaane na Waryobha uwaane!”

Yohana 10:30

Öni na Taata, n-këntö këmwë törë.”

Yohana 6:69

Bhëëtö nkukumya törë, kora ntomanyirë igha, uwe m-Möhörëëru uwa Waryobha örë.”

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.