Yohana 1:26 - Imuuma Eehya

²⁶ Yohana akabhahonshora igha, “Öni na-manshë nkobhabhatiisirya, kasi aaho ömöntö mö-bhëënyu mono, ono motamanyirë.

Yohana 1:26 Referans Kwoze

Amangʼana agha Abhatomwa 1:5

Yohana na-manshë yaabhatiisiiyi abhantö, kasi bhëënyu, m-böngö hano moraabhatiisibhwi ku-Mwika Ömöhörëëru.”

Ruuka 3:16

Yohana akabhahonshora igha, “Öni na-manshë nkobhabhatiisirya, kasi araasha ömöntö ono aana obhotoro konkera, kora öni tiningʼarëëyi okotashora siinuugha isya ebheraatö ibhyaye hë. Uyö narebhabhatiisya ku-Mwika Ömöhörëëru na omorro.

Maariko 1:8

Öni na-manshë nkobhabhatiisirya, kasi umwene uyö, narebhabhaatiisya na Umwika Ömöhörëëru.”

Mataayo 3:11

Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

Yohana 8:19

Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

Amangʼana agha Abhatomwa 11:16

Hayö ho naahiitökirë engʼana iya Omonene eno yaaghambirë igha, ‘Yohana, na-manshë yaabhatiisiiyi abhantö. Kasi bhëënyu, m-böngö hano moraabhatiisiribhwi Umwika Ömöhörëëru.’

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Mataayo 3:6

Yohana akabhabhatiisya mo-mooro ughwa Yorodani, na eno bharaghamba harabhu igho ëbhëbhë ibhyabho.

Amangʼana agha Abhatomwa 19:4

Mbe, Pauro akabhatëëbhya igha, “Yohana yaabhatiisyanga abhantö bhano bhaarenga bhahöngööyë ëbhëbhë ibhyaho. Akabhatëëbhya igha, bhakumi ono ariisha. Ömöntö uyö, n-Yëësu.”