Yohana 1:18 - Imuuma Eehya

¹⁸ Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 1:18 Referans Kwoze

Abhakorosaai 1:15

Kiristo nkwörökya arë harabhu igho, bhono Waryobha arë, nokaanyoora igha, takomaahekana hë. Kiristo uyö we omoona omotangi ono aana ubhwera kö-bhëntö bhyonswe igho.

Yohana 6:46

Taaho ömöntö ono yaamaaha Taata Waryobha, kasi nö-öni umwene igho namomaaha, ko bhoora nku-mwene uyö naarwa.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

1 Yohana 4:12

Taaho ömöntö ono yaakarööshë Waryobha hë. Kasi hano toraahanshane, Waryobha nkobha arë na öbhömwë na bhëëtö, na righonshe iryaye, nkohekerana rërë mö-bhëëtö.

1 Timoteo 6:16

Waryobha umwene igho, we atarikwa. Naikaayë mo-bhorabhu bhono ömöntö ataatore ukubhusuntarra. Kora taaho ömöntö ono yakamörööshë hë, handë ono akotora okomomaaha. Obhotoro na okosookwa bhebhe ku-Waryobha amakora ghonswe igho. Amina.

1 Yohana 4:9

Waryobha yöörökya righonshe iryaye kö-bhëëtö, ko okotoma Omoona uwaaye umumwëmwë ko-kebhara kono. Yaakörrë igho, okore okohetera ku-uyö, tunyoore öbhöhöru ubhwa amakora ghonswe igho.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 14:9

Yëësu akamohonshora igha, “Kerenga naabha hamwë na bhëënyu ribhagha ryangʼana hayö Firipö, tuwakaammanyirë hë? Ömöntö ono andööshë, uyö n-Taata arööshë, bhoono n-kwakë ököntëëbhya igha, ‘Utwöröki Taata?’

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 12:41

Isaaya yaaghambirë amangʼana ghayö, ko bhoora yaarööshë ubhuhika ubhwa Yëësu, ku bhuyö akaghamba amangʼana agha Yëësu.

1 Timoteo 1:17

Mbe, Waryobha we Omokama ono ataana umuhiko, takukwa hë, takomaahekana hë, taaho ono arëngë kya umwene uyö hë. Asookwenga na ökötöönibhwa amakora na amakora. Amina.

Yohana 13:23

Yaare-ho umwegha uwa Yëësu, ono Yëësu yaahanshirë bhököngʼu. Umwegha uyö yaarenga aikaayë haangʼë na Yëësu.

Yohana 3:11

No-bhoheene nkökötëëbhya igha, bhëëtö nkoghamba törë ghano tomanyirë, ghwiki nkwimererra törë ghano törööshë. Kasi bhëënyu timukukumya ubhwimërërri ubhwëtö hë.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.