Yohana 1:16 - Imuuma Eehya

¹⁶ Ko okorengʼaana na obhohekeranu ubhwaye, abhantö bhonswe igho twaanyoora örööbhö, kö rööbhö urwöndë.

Yohana 1:16 Referans Kwoze

Abhakorosaai 1:19

Ko bhoora Waryobha yaatëghëribhwa igha, obhoheene ubhwaye bhonswe igho bhobhe ku-Kiristo.

Abharuumi 5:2

Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

Abhaëfësö 3:19

Nkosabha ndë igha, momanye righonshe iryaye riyö rekokera obhotoro ubhwa okomanya ukwa ömöntö. Nkosaasaama ndë igha, Waryobha abhahaane na abhaishöri bhököngʼu eteemo iyaaye.

Abhaëfësö 1:23

Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.

Abharuumi 5:17

Ëkëbhë ëkëmwë keno Adamu yaakörrë, kyaaghërrë abhantö bhonswe igho tobhenga torakwa. Kasi bhoono no-bhoheene igha, abhantö bhano bhakunyoora örööbhö urwa Waryobha rono rotaana ekerengere, nkobhabhara arë igha, m-ba heene. Mbaretonga ko-nkaagha iya öbhöhöru ubhwa amakora ghonswe igho, ko okohetera ku-Yëësu Kiristo.

Yohana 3:34

Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

Mataayo 13:12

Waryobha nareghera bhamanye bhököngʼu abhantö bhaara bhamanyirë engʼana nyabhorebhe, ko amangʼana agha Obhokama ubhwa Waryobha. Kasi ono atamanyërrëëyi bhuuya, Waryobha narimuruusya kora keera akokanya igha namanyirë.

Abhakorosaai 2:3

Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Abharuumi 8:9

Kasi bhoono bhëënyu, temokotongwa na esemoko iya öbhököri ubhwa ëbhëbhë hë, nu-Mwika uwa Waryobha ono amënyirë mo-senkoro isyënyu, we akobhatangata. Momanye igha, ömöntö wowonswe ono ataana Umwika uwa Yëësu Kiristo mo-nkoro iyaaye, uyö te-mosoorani uwa heene uwa Yëësu Kiristo hë.

Ruuka 21:15

Öni nendebhahaana obhongʼaini na amangʼana agha okoghamba, kora abhabhisa abhëënyu tebharetora ukwanga, handë okobhanyeera senkaani.

Mataayo 3:14

Kasi Yohana akatuna okorebherra Yëësu, ko ökömötëëbhya igha, “Mbe! Uwe wonswe oraasha ku-öni nkobhatiisi? Uwe nu-uwe wingʼarëëyë okombatiisya!”

Mataayo 3:11

Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

1 Peetero 1:11

Mbaarë na Umwika uwa Kiristo, uyö we yaaröötirë igha, Kiristo nakaatëësirwë, na hano inyaanyi iyö erehwa, narinyoora ubhuhika. Abharööti bhayö, bhaatunanga bhököngʼu bhamanye amangʼana ghayö igha, n-dööhë gharebha, na iyakë gharebha.

Abharuumi 5:20

Amaraghërryö agha Mosa ngaaghërrë ëbhëbhë bhekaaruha. Hano ëbhëbhë bhyaaruhirë, örööbhö urwa Waryobha rwonswe rokaaruha.