Yohana 1:1 - Imuuma Eehya

¹ Bhosemoka hayö, yaare-ho Engʼana. Engʼana iyö, yaarenga hamwë na Waryobha, ghwiki yo yaarë Waryobha.

Yohana 1:1 Referans Kwoze

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Okohonyora 19:13

Yaarenga aibhöhiibhwi engansho eno yaarenga ishöshirë amaanyinga. Yaabherekerwanga igha, “Engʼana iya Waryobha.”

Abhakorosaai 1:17

Ho yaarë, kora ëbhëntö bhyonswe igho bhetaraabhombwa, nkotonga arë ëbhëntö bhyonswe igho, ku-uyö ëbhëntö bhyonswe igho, nkoghootana bhërë.

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Okohonyora 22:13

Öni nö-öni Esemoko na Umuhiko, nö-öni nkosemora amangʼana ghonswe igho, na okoghamarërya.”

Yohana 1:2

Ukurwa obhosemoka, Engʼana yaarenga hamwë na Waryobha.

Okohonyora 1:8

Omonene Waryobha araghamba igha, “Öni nö-öni Esemoko na Umuhiko. Öni ho ndë, ho naarë ukurwa okosemoka, nanyabhoono ho ndë. Nö-öni neena obhotoro bhwonswe igho.”

Abhafiripi 2:6

Nokaanyoora igha we yaarenga na eteemo yonswe igho iya Waryobha, kasi yaarööshë igha, ti-bhuuya ukukundirrya engʼana iyö.

Mataayo 1:23

“Tamaaha, omokari intindë narimökya enda, eebhore omoona uwa ikishaasha! Narerokwa iriina igha Emanueri.” Ensonga iyaako igha, “Waryobha hamwë arë na bhëëtö.”

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.

Abhaëbhuraania 13:8

Yëësu Kiristo no-oora oora, isho, reero, na amakora ghonswe igho.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Okohonyora 1:17

Hano naamörööshë, nkaghwa hansë bhubhuumaayë ko-maghörö aghaaye, ukwörökya igha, nëmösöökirë, nkabha kya ono nkuurë. Kasi akantoorra okobhoko ukwaye ukwa bhoryo eno arantëëbhya igha, “Otakoobhoha! Öni nö-öni uwa mbere na nö-öni embotorra.

Yohana 20:28

Toomasi akamohonshora igha, “Omonene uwaane na Waryobha uwaane!”

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 7:3

Nkomaahekana ërë igha, abhaibhöri abha Mërikizëdëki, tebhamanyekaini hë. Kora eka iyaaye yonswe temanyekaini hë. Esemoko iya ukwebhorwa ukwaye na ukukwa ukwaye tebhemanyekaini hë. Uyö m-mösëngëri amakora na amakora kya Omoona uwa Waryobha.

Okohonyora 3:14

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Raodikia, ömötëëbhi igha, Öni nö-öni nkobherekerwa igha, Amina, umwimërërri uwa heene. Nö-öni ömösëmöri uwa ëbhëntö bhyonswe igho bheno bhyaabhombwa na Waryobha. Mwitegherre ghano nkobhatëëbhya!

Abhaëfësö 3:9

Ghwiki angʼaayë emeremo ighya okoraghërrya bhuuya abhantö bhonswe igho, okore bhamanye ësëëmyö eno yaarenga ibhisirwë ukurwa okosemoka na Waryobha umwene ömöbhömbi uwa ëbhëntö bhyonswe igho.

Okohonyora 1:2

Yohana akaimererra amangʼana ghonswe igho ghano yaarööshë. Amangʼana ghayö yaarööshë, na-agha obhoheene bhono bhwahönyööywë na Yëësu Kiristo. Obhoheene bhuyö, mbo engʼana iya Waryobha.

1 Yohana 5:7

Umwika Ömöhörëëru we akwimererra ghayö igha m-maheene, ko bhoora we obhoheene.

Abharuumi 9:5

Abhaisiraëri bhayö, mbo bhaasëmökirë ukurwa ko-bhakörö abhaabho, bhaabho Ibhurahimu, Isaaka na Yaakobho. Kinyabhantö, Kiristo m-Mwisiraëri yaarë. Kiristo ono arëngë igha we Waryobha Omonene uwa bhyonswe igho, akumibhwi amakora ghonswe igho! Amina.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Okohonyora 2:8

Ömöntö uyö akaghëndërrya okoghamba igha, “Andekera maraika uwa ekanisa iya Simirina, ömötëëbhi igha, Öni nö-öni uwa mbere na nö-öni embotorra. Naakuurë, nkaryoka, na bhoono igho m-möhöru ndë! Mwitegherre ghano nkobhatëëbhya!

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Okohonyora 1:11

Engamba iyö yaaghambirë igha, “Andeka mo-ketabho amangʼana ghonswe igho ghano oraamaahe. Omare otomane eketabho kiyö mo-makanisa muhungatë agha Ëfësö, Simirina, Perighamo, Tiyatira, Saridi, Firadërifia, na Raodikia.”

Ruuka 24:53

Bhakaikara mo-bhogho ubhwa risengerro, bharatöönia Waryobha.

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Abhakorosaai 1:15

Kiristo nkwörökya arë harabhu igho, bhono Waryobha arë, nokaanyoora igha, takomaahekana hë. Kiristo uyö we omoona omotangi ono aana ubhwera kö-bhëntö bhyonswe igho.