Mataayo 11:2 - Imuuma Eehya

² Enkaagha eno Yohana Omobhatiisya yaarë mo-kebhohe, yaaighuurë amangʼana ghano Kiristo yaakoranga. Ku bhuyö akatomana-yo abheegha abhaaye

Mataayo 11:2 Referans Kwoze

Maariko 6:17

Herode Antipa, yaarenga aitëtëri Herodia mokaa mumura uwaabho ono yaabherekerwanga igha, Firipö. Yohana Omobhatiisya uyö, yaatëëbhyanga Herode igha, “M-mughiro ukuruusya mura uwëënyu mokaaye, na ambe mura uwëënyu taraakwa hë.” Amangʼana ghayö ghakaghera Herodia akarererra Yohana Omobhatiisya, kora akatuna enshera iya ukumwita, kasi tiyaaghinyöörrë hë. Ku bhuyö Herode Antipa akatoma abhasirikare bhaghoote Yohana bhamotoore mo-kebhohe. Yaamorendanga okore Herodia atakaamwita, ko bhoora yoobhohanga Yohana Omobhatiisya igha, m-möntö uwa heene kora m-möhörëëru. Herode Antipa yaahanshirë bhököngʼu ukwitegherra Yohana, kasi hano yaamaranga ukumwitegherra, yaaighwanga bhoghogho bhököngʼu mo-nkoro iyaaye.

Mataayo 14:3

Herode yaaghambirë igho, ko bhoora yaaghöötirë Yohana, akamotoora mo-kebhohe. Yaamöbhöhirë ko okoghera iya amangʼana ghano Yohana yaaghambirë, agha Herode okoteta Herodia, na mbe kare hayö, Herodia m-mokwe uwa Herode yaarë, ko bhoora yaarenga atëtirwë na Firipö mura uwaabho Herode uyö.

Mataayo 4:12

Mbe, hano Yëësu yaaighuurë igha, Yohana Omobhatiisya arëngë mo-kebhohe, akarwa hayö, akaghya mo-mokowa ughwa Ghariraaya.

Mataayo 9:14

Mbe, ho abheegha nyabhorebhe abha Yohana Omobhatiisya bhaaishirë ku-Yëësu, bhakamöbhöörya igha, “Bhëëtö hamwë na Abhafarisaayo, nkwisasanga törë ibhyakorya. Kasi n-kwakë abheegha abhaaho bho bhatakwisasa ibhyakorya?”

Yohana 4:1

Mbe, Yëësu akaighwa igha, Abhafarisaayo bhaatëëbhiibhwi igha nkobhatiisya arë, kora nkunyoora arë abheegha abhaaru okokera Yohana.

Ruuka 3:19

Kasi Yohana yaabhëëhirë Herode ono yaarë ömötöngi uwa omokowa ughwa Ghariraaya. Herode uyö, yaaruusiri mura uwaabho omokari ono yaabherekerwanga igha, Herodia. Yohana akamokaania engʼana iyö, hamwë na amangʼana aghandë amaghogho ghano yaakoranga.

Mataayo 1:17

Mbe, ukusimirya ku-Ibhurahimu okohekera omokama Daudi, m-makora ikömi na ane. Ghwiki ukusimirya ko-Daudi okohekera enkaagha eno Abhabhaabhëëri bhaangʼaanyëri Abhaisiraëri bhakabhahira ku-kyaro ikyabho ikya Bhaabhëëri, m-makora ikömi na ane. Na ghwiki m-makora ikömi na ane ukusimirya ko-nkaagha iya okongʼaanyibhwa ukwa Abhaisiraëri okohekera enkaagha eno Kiristo yaaibhööywë.

Ruuka 9:7

Hano Herode Antipa ömötöngi uwa Ghariraaya yaaighuurë amangʼana ghonswe igho ghano Yëësu yaakoranga, omotwe ughwaye ghokaroghana. Ngwaaroghaini ko bhoora abhantö abhandë mbaaghambanga igha, “Yëësu we Yohana, hayö naryökirë ukurwa mo-bhaku.”