Mataayo 10:3 - Imuuma Eehya

³ Firipö, Bhatoromaayo, Toomasi, Mataayo ömöghööti uwa righööti, Yaakobho mura uwa Arufaayo, Tadaayo,

Mataayo 10:3 Referans Kwoze

Amangʼana agha Abhatomwa 1:13

Hano bhaahikirë Yërusarëëmu, bhakasoha mu-kinyumba ikyabho ikya ko-ghorofa, keno bhaaikaranga-mo. Abhatomwa bhayö, m-baabho Peetero, Yohana, Yaakobho, Anderea, Firipö, Toomasi, Bhatoromaayo, Mataayo, Yaakobho mura wa Arufaayo, Simööni Omozerote, na Yuuda mura wa Yaakobho.

Maariko 3:18

Anderea, Firipö, Bhatoromaayo, Mataayo, Toomasi, Yaakobho mura uwa Arufaayo, Tadaayo, Simööni Omozerote,

Maariko 2:14

Mbe, hano Yëësu yaahetanga ko-nshera, akamaaha Raawi mura uwa Arufaayo. Raawi uyö, yaarenga aikaayë mo-kaghutu akaaye aka righööti. Yëësu akamötëëbhya igha, “Nshö onsoorane.” Raawi akeemoka, akamosoorana.

Mataayo 9:9

Hano Yëësu yaaruurë hayö, akasikana na ömöghööti uwa righööti ono yaabherekerwanga igha, Mataayo. Mataayo uyö, yaarenga aikaayë mo-kaghutu akaaye aka righööti. Yëësu akamötëëbhya igha, “Nshö onsoorane.” Mataayo akeemoka, akamosoorana.

Yohana 21:2

Bhano bhaarenga hamwë hayö, m-baabho Simööni Peetero, Toomasi ono yaabherekerwanga igha Ekesare, Natanaëri ono yaarwërëëyë Kana iya mo-mokowa ughwa Ghariraaya, na abhamura abhabhërë abha Zebhedaayo, bheena abheegha abhandë bhabhërë.

Yohana 11:16

Toomasi ono yaabherekerwanga igha, Ekesare, akatëëbhya abheegha bharikyaye igha, “Bhëëtö bhonswe toghende, okore tukwe nawe iyö.”

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

Abhagharatia 2:9

Mbe, Yaakobho bhaana Peetero na Yohana, bhano bhaamanyekaini igha mbo abhatangati abhanene, bhakamanya bhuuya igha, Waryobha we angʼaayë emeremo ghiyö kö örööbhö urwaye. Ku bhuyö bhakatoghoota okobhoko öni na Bharinaabha, ukwörökya igha ntoona öbhömwë nabho. Ntwaaikererraini igha, bhëëtö toghende okokora emeremo ko-Bhakyaro, bho bhatighare ko-Bhayahudi hayö.

Abhagharatia 1:19

Kasi tenaarööshë abhatomwa abhandë hë, kutigha Yaakobho mura uwaabho Omonene uwëëtö Yëësu.

Amangʼana agha Abhatomwa 21:18

Hano bhwaakëëyë, tokahinana na Pauro ökökëërya Yaakobho, na abhaghaaka abha ekanisa bhonswe igho, ho bhaarë.

Amangʼana agha Abhatomwa 12:17

Peetero akabhainyökërya kighörö okobhoko okore bhakire. Akabhatëëbhya amangʼana ghonswe igho kya bhono Omonene amotangatirë ukurwa mu-nyumba iya ekebhohe. Ho yaamarrë, akabhatëëbhya igha, “Amangʼana ghayö mbatëëbhëri, mötëëbhi Yaakobho, na abhakumya bharikyëtö.” Peetero akatanora akaghya ahasë ahandë.

Ruuka 5:27

Hano ghayö ghaahööyë, Yëësu akarwa hayö, akamaaha ömöghööti uwa righööti ono yaabherekerwanga igha Raawi. Raawi yaarenga aikaayë mo-kaghutu akaaye aka righööti. Yëësu akamötëëbhya igha, “Nshö onsoorane.”

Amangʼana agha Abhatomwa 15:13

Hano bhaamarrë okoghamba amangʼana ghayö, Yaakobho wonswe akemerra, akaghamba igha, “Bhëënyu abhakumya bharikyane, munyitegherre!

Yohana 14:22

Mbe, umwegha uwöndë ono yaabherekerwanga igha Yuuda, kasi ti-Yuuda Isikariyote oora hë, akabhöörya Yëësu igha, “Omonene, iyakë ekobha igha oratuna ukwihonyora kö-bhëëtö, te-ko abhantö abha ko-kebhara kyonswe igho hë?”

Yohana 14:9

Yëësu akamohonshora igha, “Kerenga naabha hamwë na bhëënyu ribhagha ryangʼana hayö Firipö, tuwakaammanyirë hë? Ömöntö ono andööshë, uyö n-Taata arööshë, bhoono n-kwakë ököntëëbhya igha, ‘Utwöröki Taata?’

Mataayo 27:56

Mo-bhakari bhayö, yaare-mo Maryamu uwa Maghidara. Yaare-ho Maryamu nyakuwaabho Yaakobho na Yusufu, na nyakuwaabho abhamura abha Zebhedaayo.

Mataayo 18:17

Hano araange ukwighwera na bhayö bhonswe, kaghi bhoono ötëëbhi ekanisa. Hano araange kwighwera kora ekanisa, bhoono uyö momaahe igha, të-möntö ono amanyirë Waryobha hë, handë omobhare igha, n-kya ömöghööti uwa righööti.

Maariko 15:40

Bhaare-ho abhakari bhano bhaimërëëyë hare, bharamaaherra. Mo-bhayö yaare-mo Maryamu uwa Maghidara, Sarome, Maryamu nyakuwaabho Yoose na Yaakobho omoke.

Ruuka 18:10

“Bhaare-ho abhantö bhabhërë, Omofarisaayo, na ömöghööti uwa righööti. Abhantö bhayö, bhaaghëëyë okosaasaama mo-bhogho ubhwa risengerro irya Waryobha.

Ruuka 18:11

“Hano bhaahikirë, Omofarisaayo uyö, akaimerra, akasaasaama Waryobha ko-mangʼana aghaaye umwene. Akasaasaama igha, ‘Ndakukumya Waryobha, ko bhoora te-moghogho ndë kya abhantö abhandë hë. Abhantö abhandë, m-basaki, bharangʼaina, m-basooraare, kora tintuubhaini na ömöghööti uwa righööti ono aahano.

Ruuka 18:13

“Kasi ömöghööti uwa righööti uyö, umwene akaimerra hare, kora tiyagharamera mu-ryobha hë. Kasi akabha araitematema ku-kikubha ikyaye, ku ukwörökya igha abhaabhayëëyë. Akaghamba igha, ‘Waryobha, otanyabhera öni n-wa ëbhëbhë ndë.’ ”

Ruuka 19:2

Mu-mughi muyö, yaare-mo ömöntö nyabhorebhe ono yaabherekerwanga igha Zakaayo. Uyö we yaarë omonene uwa abhaghööti abha righööti, kora m-mwamë yaarë.

Yohana 1:48

Natanaëri akabhöörya Yëësu igha, “Hai waamanyera amangʼana aghaane?” Yëësu akamohonshora igha, “Nënkörööshë hano waarë ku-mutiini haara, kora Firipö ataraakobherekera.”

Yohana 14:5

Mbe, Toomasi akabhöörya Yëësu igha, “Omonene, bhëëtö tetomanyirë ahasë hano ukughya, bhoono iyakë toraamanye enshera?”