Abhafiripi 4:7 - Imuuma Eehya

⁷ Mbe, hayö ho omorembe ukurwa ku-Waryobha ghono ghöhëtërëëyë obhongʼaini bhonswe igho ubhwa abhantö, ghoraabhaikarre ghonaghi senkoro na sehakëri isyënyu, ko bhoora bhëënyu, m-bantö abha Kiristo Yëësu mörë.

Abhafiripi 4:7 Referans Kwoze

Yohana 14:27

Motame na omorembe, omorembe ughwane ghuyö nkobhahaana, teghonga kya omorembe ughwa ko-kebhara kono hë. Motakaabhaabhayera mo-senkoro isyënyu, kora motakoobhoha kyokyonswe keera.

2 Abhatësarönikë 3:16

Bhoono, Omonene Yëësu umwene, ömösëmöri uwa omorembe, abhahaanenga omorembe senkaagha syonswe igho, ko-senshera syonswe igho. Abhe hamwë na bhëënyu bhonswe igho.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Abharuumi 8:6

Ömöntö ono sehakëri isyaye sekotangatwa na esemoko iya öbhököri ubhwa ëbhëbhë, uyö nu-ruku urwa amakora ghonswe igho akwireetera. Kasi ömöntö ono akotangatwa na Umwika Ömöhörëëru, uyö naana öbhöhöru ubhwa amakora ghonswe igho, kora naana omorembe.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

Abhaëfësö 3:19

Nkosabha ndë igha, momanye righonshe iryaye riyö rekokera obhotoro ubhwa okomanya ukwa ömöntö. Nkosaasaama ndë igha, Waryobha abhahaane na abhaishöri bhököngʼu eteemo iyaaye.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Okohonyora 1:4

Öni Yohana, ritashandighi reno, m-bëënyu nkwandekera abhasoorani abha Yëësu abha amakanisa muhungatë ghano gharëngë ikyaro ikya Asia Enke. Munyoore örööbhö na omorembe ukurwa ku-Waryobha ono aaho, ho yaarë ukurwa okosemoka, nanyabhoono ho arë, na ukurwa ku-Miika muhungatë bhano bharëngë bhöröngë ubhwa ikitumbë ikya ekekama,

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Abhafiripi 4:9

Möghëndërri okokora amangʼana ghaara mweegha ku-öni, mokaghaikërrya, mokaghaighwa kora mokamaaha ndaghakora. Hayö ho Waryobha ono akobhahaana omorembe, araaghëndërri okobha hamwë na bhëënyu.

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Abhafiripi 1:2

Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo bhebhe hamwë na bhëënyu.

2 Abhakörintö 10:5

Nkotemora bhërë amaitegherro na amangʼana ghonswe igho agha ubhwihashi, ghano ghakoghera abhantö bhanga okomanya Waryobha. Nkoghoota törë këghötërëëyë amaitegherro ghonswe igho okore ghaighwere Yëësu Kiristo.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 4:19

Mbe, Waryobha uwaane naraabhahaane ghonswe igho ghano moonagho obhohabhë, okorengʼaana na ubhwamë ubhwaye obhonene. Naraakore igho ko okohetera ku ubhuhika ubhwa Kiristo Yëësu.

Abhafiripi 4:21

Mökëëri abhantö abha Waryobha bhonswe igho bhano bhakukumya Kiristo Yëësu. Abhakumya bhano bhakutighinkana hamwë na öni hano, bhonswe bharabhakëërya.