Abhafiripi 4:11 - Imuuma Eehya

¹¹ Motakaakanya igha, obhohabhë bhono neenabho, mbo bhokoghera ndaghamba amangʼana ghayö, ti-igho hë. Öni naamara ukwegha ukwiswa na keno ukunyoora neenakyo.

Abhafiripi 4:11 Referans Kwoze

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

2 Abhakörintö 9:8

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

Abhaëbhuraania 10:34

Mwaarenga na ikyabhera ko bhano bhaarenga bhabhöhirwë. Mwaaikërëëyi kora hano mwaaruusibhwanga ëbhëntö ibhyënyu, mwaashomerwanga. Mwaakörrë igho momanyirë igha, mo-senkoro isyënyu, mmoona ëbhëntö ibhya ubhwera obhonene bhököngʼu, bheno bhetakusika röndë.

2 Abhakörintö 11:27

Naakora emeremo ëmëköngʼu, na nkanyanka, inyanko iya ukwanga okoraara hare kaaru, inyanko iya okosengera na inyanko iya inyonta, naahika okobhorwa ibhyakorya hare kaaru, inyanko iya embeho na iya okobhorwa singibho.

Ruuka 3:14

Abhasirikare bhonswe bhakamöbhöörya igha, “Na bhëëtö bho tokore iyakë?” Akabhahonshora igha, “Motakaaruusya abhantö seehera isyabho. Na ghwiki mutighe okohaamërrya abhantö keno bhatakörrë, mwiswe na ehoorohooro iyëënyu.”