Abhafiripi 3:6 - Imuuma Eehya

⁶ Naarenga na omotono ko-mangʼana ghaara naakanyanga igha, ngo Waryobha akutuna, ku bhuyö nkateesa Abhakiristo. Ko obhoheene ubhwa okoghoota amaraghërryö, tenaarenga na risoro ryoryonswe igho hë.

Abhafiripi 3:6 Referans Kwoze

Amangʼana agha Abhatomwa 8:3

Sauri wonswe yaarenga asimiri ukusikya abhantö abha ekanisa. Yaasohanga mu-sinyumba isyabho, arabhahorotora-mo kwa nguru, abhakari na abhashaasha bhano yaanyooranga-mo, abhahira mu-nyumba iya ekebhohe.

Mataayo 5:20

No-bhoheene nkobhatëëbhya igha, hano obhoheene ubhwënyu bhotaakere ubhwa Abhafarisaayo na abhëëghya abha amaraghërryö agha Mosa, temoobhe mo-Bhokama ubhwa Waryobha hë.

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

Abhafiripi 3:9

Ghwiki ni-igha ngootane nawe këmwë. Tinkwitengʼera ghwiki ukunyoora obhoheene ubhwane ko okoghera iya ököröndërrya amaraghërryö, kasi Waryobha yaamara okoghamba igha, m-möntö uwa heene ndë ko okoghera igha, neneena umukumo ku-Kiristo. Obhoheene bhuyö, nku-Waryobha bhukurwera, bhuusha ko bhaara bhakukumya Kiristo.

1 Abhakörintö 15:9

Öni tondengʼaani na abhatomwa abhandë bhonswe igho hë. Tiningʼarëëyi okobherekerwa omotomwa hë, ko bhoora naanyankëri abhakumya abha Waryobha.

Abharuumi 7:9

Hano waanyöörrë ntaraamanya amaraghërryö ghayö, naakoranga bhono naatunanga. Kasi bhoono hano naamanyirë kya bhono amaraghërryö ghaatunanga igha nkore, hayö ho naamanyirë igha, ëbhëbhë mbeena obhotoro kora bhyareeta uruku.

Amangʼana agha Abhatomwa 26:5

Ko bhoora mbammanyirë ukurwa kare, hano bharaahanshe, bharatora okoghamba obhoheene igha, m-Mofarisaayo naarë, rikomo iriiya irya idiini iyëëtö.

Amangʼana agha Abhatomwa 21:20

Hano bhaaighuurë ghayö, bhakatöönia Waryobha, bhakatëëbhya Pauro igha, “Uwe umukumya murikyëtö, nomanyirë kya igho ëbhëkwë na ëbhëkwë ibhya Abhayahudi bhakumiri Yëësu. Bhonswe igho bhayö, mbaana omotono bhököngʼu, ughwa okosooka amaraghërryö agha Mosa.

Ruuka 1:6

Bhonswe igho bhabhërë bhayö, m-bantö abha heene bhaarë ku-Waryobha. Na ko okoghoota amaraghërryö na imighiro ighya Waryobha, tebhaarë na isoro hë.

Mataayo 23:25

“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwikora mörë ko-bhantö igha m-bahörëëru mörë, mörööghya kebhara iya ekekombe na esahaani, kasi timukwöghya mönsë hë. Mönsë muyö haishööyë ubhwibhi na obhohoobhaaru.

Amangʼana agha Abhatomwa 22:5

Kora omonene uwa abhasëngëri na abhaghaaka abha ribharasa, mbaraaikërri ghayö ngambirë. Ko bhoora mbo bhaangʼaayë ritashandighi okoherra Abhayahudi abha mu-mughi ughwa Damasiko. Nkaghya-yo, okore ngoote Abhakiristo abha mu-mughi ghuyö, mbareete Yërusarëëmu hano, bhashibhibhwi.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

Abhafiripi 2:15

okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.