Abhafiripi 3:20 - Imuuma Eehya

²⁰ Kasi bhëëtö, m-bantö abha mu-ryobha törë, kora nkwitengʼera törë bhököngʼu ukuusha ukwa Ömötöörya, Omonene uwëëtö Yëësu Kiristo.

Abhafiripi 3:20 Referans Kwoze

Abhaëfësö 2:19

Mbe, ukurwa bhoono igho, bhëënyu tërëngë igha, m-baghëni mörë, handë igha abhangʼaanyëri abha ku-kyaro ikyëndë, kasi bhëënyu ni-komo imwë mörë na abhantö abha Waryobha. Bhoono bhëënyu na abhantö abha mu-nyumba iya Waryobha mörë.

2 Abhakörintö 4:18

Ku bhuyö, totakaamaaherra ëbhëntö bheno bhekomaahekana ko-maiso, kasi tomaaherre bheno bhetakomaahekana. Bheno bhekomaahekana, m-bya ibhagha ike igho, kasi bheno bhetakomaahekana, m-bya amakora ghonswe igho.

Abhaëbhuraania 12:22

Kasi bhëënyu, muhikirë ku-nguku iya Sayuuni, mu-mughi ughwa Waryobha ömöhöru, Yërusarëëmu iya mu-ryobha, ahasë hano abhamaraika ëbhëkwë na ëbhëkwë bhaikomaini.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhaëfësö 2:6

Waryobha akaturyökya ukurwa mo-bhaku hamwë na Kiristo Yëësu, akatwikarya totonge hamwë na Kiristo ko-hasë hano hatakomaahwa. Yaakörrë igho ko okotohaana öbhömwë na Kiristo Yëësu.

2 Abhakörintö 5:8

M-maheene igha, ntoona ubhweseghe obhonene, kora nkomaaha törë igha, nyakara tohaaterane na ëmëbhërë gheno, toghende okomenya hamwë na Omonene.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

Abhagharatia 4:26

Kasi umughi ughwa Yërusarëëmu ughwa mu-ryobha, nu-mughi ömötöönööni, ghuyö ngwo maayö uwëëtö.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

1 Abhakörintö 1:7

Ku bhuyö, bhoono timukusuuhwa na ituho yoyonswe igho iya Umwika Ömöhörëëru, ko-nkaagha eno mokeeghanya ukukyora ukwa Omonene uwëëtö Yëësu Kiristo.

Amangʼana agha Abhatomwa 1:11

Abhantö bhayö, bhakabhöörya abhatomwa bhayö igha, “Bhëënyu bhare Bhaghariraaya, ndarra mwimërëëyë hano moragharamera mu-ryobha? Yëësu uyö aruurë kö-bhëënyu hano ukughya mu-ryobha, kasi rooho urusikö rono arikyora kya ighoigho mömörööshë araghya mu-ryobha.”

Mataayo 19:21

Yëësu akamötëëbhya igha, “Nyoore nkutuna örë obhe ömöntö uwa heene, kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu. Hayö ho oraabhe na emongo iyaaho mu-ryobha. Bhoono hayö omanye kuusha konsoorana.”

1 Abhatësarönikë 4:16

Ko bhoora Omonene Yëësu umwene naariika ukurwa mu-ryobha. Nareraghërrya kwa nguru, abhantö mbariighwa engamba iya maraika omonene, na orotera urwa Waryobha ndurihuutwa. Ho abhakumya abha Kiristo bhonswe igho bhano bhaakwa, bhariryökibhwa mbere.

Ruuka 14:14

Hayö ho oraangʼoorwe, ko bhoora bhayö, tebhaana ëkëntö ikya ukukukyörrya hë. Kasi Waryobha we arekohaka ko-nkaagha eno ariryökya abhantö abha heene.”

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Ruuka 12:21

Yëësu, akamarërrya ko okoghamba igha, “Ni-igho erebha kö-möntö ono akwibheekera ëbhëntö, kasi aanga ukwibheekera ku-Waryobha.”

1 Abhakörintö 15:48

Bhono arë ömöntö uwa ku-rirobha, ni-igho bharë na abha ku-rirobha bhonswe, na kya igho arë uwa mu-ryobha, ni-igho bharë na abha mu-ryobha bhonswe.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.