Abhafiripi 3:19 - Imuuma Eehya

¹⁹ Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

Abhafiripi 3:19 Referans Kwoze

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.

Abhakorosaai 3:2

Motemerenga omotwe ghano gharëngë mu-ryobha, motakaaitegherra amangʼana agha ko-kebhara kono.

2 Peetero 2:1

Kasi ko-nkaagha eera iya abharööti abha Isiraëri, bhaibhökirë abharööti abha obhorongo. Ni-ighoigho erebha kö-bhëënyu igha, abhëëghya nyangasheka mbaryebhoka. Abhantö bhayö, mbarësöhya amëëghyö agha ukusirya abhantö, na mbaryanga Omonene ono yaabhatungurya. Ko okokora igho, mbareghera ukusika ukwabho kobhangohere.

2 Abhakörintö 11:15

Ku bhuyö te-ngʼana iya ököröghöörya hë, okomaaha abhaköri abha emeremo abhaaye, bharaikora igha, m-baköri abha emeremo abha heene. Kasi umuhiko ughwabho, ngorebhaingʼarra kya amangʼana aghaabho ghano bhakokora.

2 Abhakörintö 11:12

Nendaaghëndërri okokora kya igho nkokora, okore abhantö bhayö bhakwihasha, bhatakaanyoora umweya ughwa ukwihasha igha, nkokora bharë emeremo kya bhëëtö.

2 Peetero 2:13

Ghwiki mbarishibhibhwa bhanyoore inyanko, kya bhono bhaanyankëri abhandë. Nkushomerwa bharë okokora amangʼana aghaabho agha oronamba urwabho oroghogho, harabhu igho. Kora nkushomerwa bharë okobhatëëbhya amangʼana agha obhorongo, ko-nkaagha eno ukunyoora bhararya hamwë na bhëënyu. Ko okokora amangʼana ghayö, nkobha bharë kya ubhunyanku na amahara ghano gharëngë ku-ngibho endabhu.

Abhagharatia 6:13

Engʼana iyëndë ni-igha, abhantö bhayö bhasaarwa, tebhakoghoota amaraghërryö ghonswe igho hë. Keno bhakutuna, ni-igha bhëënyu mosaarwe okore bhaikumiri engʼana iyö iya kinyamöbhërë.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

1 Abhakörintö 3:3

Ko bhoora nanyabhoono, bhëënyu m-bantö abha esemoko iya öbhököri ubhwa ëbhëbhë mörë. Hano okomaaha moona rikenge bheena öbhösëëghërrya, momanye igha, m-bantö abha esemoko iya öbhököri ubhwa ëbhëbhë mörë, kora amangʼana aghëënyu nkoghakora mörë kinyamöbhërë.

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.

Yuuda 1:16

Abhantö bhayö, nkwibhëmbëërya bharë na okotema abhantö abhandë amasoro, kasi no-ronamba urwabho urwene igho ndo rokobhanyankya. Nkoghamba bharë amangʼana amarito agha ukwihasha, na ukukumya bhököngʼu abhantö abha ibhyeo, okore bhanyoore ehoorohooro.

2 Timoteo 3:4

Abhantö bhayö, mbarekorranga abhantö inikö, mbarebhanga na emetwe ëmëköngʼu, abha ikiheemere. Mbarehansha oronamba urwa ko-kebhara kono, okokera okohansha Waryobha.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Abhatësarönikë 2:12

Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

Abhafiripi 2:21

Ngambirë igho, ko bhoora abhandë bho na-mangʼana aghaabho agheene ghabhatönëri, kasi amangʼana ghano Yëësu Kiristo akutuna ghakorwe, teghabhatönëri hë.

1 Abhakörintö 5:6

Ikiheemere ikyënyu tekeena ubhwera hë. Temomanyirë igha ehamiira enke igho, nkötöndörya ërë ekerengo kyonswe igho ikya obhose?

1 Abhakörintö 5:2

Bhëënyu moraihashera engʼana iyö. Nyakara mokaabhaabhayëëyë na mughire ömöntö uyö yaakora ghayö, arwe mö-bhëënyu muyö.

Okohonyora 19:20

Kasi ughutyënyi ghuyö hamwë na ömörööti uwaaye uwa obhorongo oora yaaghökörëëyë amakono, bhaaghëghirwë këghötërëëyë. Ko amakono aghaaye ghayö, ömörööti uyö, yaangʼainirë abhantö bhano bhaarë na ekemanyërryö ikya ughutyënyi ghuyö, na bhano bhaasengerranga ritöndö iryagho. Bhonswe igho bhabhërë bhayö, mbaatabhutirwë bharëngë bhahöru mu-nyansha eno ikwibhugha omorro na ubhurutu ubhwa ikibhiriiti.

Yaakobho 4:16

Kasi bhoono bhëënyu, moraighegha igha moonabhyo kora moraiheema. Ukwiheema kuyö n-koghogho.

2 Abhatësarönikë 2:8

Hayö bhoono, ho ömötëëyu uyö aremaahekana. Kasi hano Omonene Yëësu ariisha, narimwita na umwika ughwa mu-munywa ughwaye, na narimusikya ko okohetera ubhuhika ubhwa ukuusha ukwaye.

Ruuka 18:4

“Umwahokania uyö akaruta sinsikö sinsharu, atakwahokania ikiina kiyö. Kasi ekahika-ho enkaagha, eno umwene yaaitëghërrëëyë mo-motwe ughwaye igha, ‘Nokaanyoora igha tenkosooka Waryobha hë, kora tëntöniibhwi na ömöntö wowonswe igho hë,

Ruuka 16:19

Yëësu akarëngya igha, “Yaare-ho umwamë uwöndë, ono yaaryanga ëbhëntö ibhiiya sinsikö syonswe igho. Yaatooranga singibho sinshiiya isya erangë këësërö isya öbhöghöri öbhököngʼu.

Ruuka 12:19

Mare ngambe mo-nkoro iyaane igha, “Bhoono mböökirë nikaayë. Tigha nikare muunye, ndaagherenga na ukunywa, nshömëëywë.” ’

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Mataayo 16:23

Kasi Yëësu akaisyörrya Peetero, akamohonshora igha, “Ndwera-ho ghore Oghosambwa! Nkushaashya örë okondebherra, okore ntakaakora bhono Waryobha akutuna. Amaitegherro aghaaho ghayö, n-ga kinyabhantö, tegharëngë agha Waryobha hë.”

Okohonyora 18:7

Mumushibhi na momoteese ko okorengʼaana na bhono yaakörrë akaameha igho, akaghya sinkuma. Ko bhoora igha, nkwihasha arë mo-maitegherro aghaaye araghamba igha, ‘Nikaayë kya omokama omokari, ko bhoora tëndëngë musinö hë, tendebhaabhayera röndë hë!’

Yuuda 1:4

Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.

Abharuumi 6:21

Bhoono mwaanyöörrë ehoorohooro yoyonswe eera, hano mwaakoranga amangʼana ghano reero eno mokosooka okoghakora? Obhoheene ni-igha, amangʼana ghayö teghaana ubhwera bhwobhwonse bhoora hë. Keno keemo, nu-ruku urwa amakora ghonswe igho!

2 Abhatësarönikë 1:9

Ubhushibhu bhuyö, mbörëghëndërrya okobhasikya amakora ghonswe igho, kora mbarebha hare na Omonene Yëësu, na ubhuhika ubhwaye obhonene.

Yuuda 1:10

Kasi abhantö abhaghogho bhayö, nkoghamba bharë bhoghogho amangʼana ghano bhatamanyirë. Kora amangʼana ghano bhakomanya n-kya ghano sityënyi seno setaana obhongʼaini semanyirë, ghayö ngo ghakobhasikya.