Abhafiripi 2:7 - Imuuma Eehya

⁷ Kasi akatigha ghonswe igho ghayö, akaisuuhya, akabha kya omoghorwa, ku bhuyö akeebhorwa aana ekesosa ikya ömöntö, akabha ömöntömöntö.

Abhafiripi 2:7 Referans Kwoze

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.

Abhaëbhuraania 4:15

Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.

Abharuumi 15:3

Ko bhoora kora Yëësu Kiristo umwene, tiyaimaahanga igha, aana ubhwera okokera abhandë. Kasi ghano yaakörrë ngaarë kya bhono Amaandeko Amahörëëru ghakoghamba igha, “Amatöki ghano bhakokotoka Waryobha, nö-öni umwahorwa uwaaho ghaanyöörrë.”

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Ruuka 22:27

Bhoono, nawë omonene bhököngʼu hayö? No-ono akwikara korya ibhyakorya, kasi no-oora akoreeta ibhyakorya? Ndamanya igha, no-oora akwikara korya ibhyakorya. Kora öni hano nö-öni nkobhatighinkanera.

Abharuumi 15:8

Ndabhatëëbhya obhoheene igha, Yëësu Kiristo yaaishirë ökötöörya Abhayahudi, okore ööröki abhantö igha, Waryobha wa heene, ko bhoora ahekeraini amaraghano aghaaye okohetera ku-Yëësu Kiristo. Amaraghano ghayö n-gaara yaaraghaini abhakörö abhëëtö.

Abhafiripi 2:6

Nokaanyoora igha we yaarenga na eteemo yonswe igho iya Waryobha, kasi yaarööshë igha, ti-bhuuya ukukundirrya engʼana iyö.

Mataayo 12:18

“Tamaaha, ono we ömököri uwaane uwa emeremo ono naahööyë, omoghonshe uwaane ono aköntëghërya. Nendaamohaane Umwika uwaane, okore araareke amangʼana aghaane agha obhoheene ko-Bhakyaro.

Abhaëbhuraania 13:3

Muhiitenga bhayö bhabhöhirwë mo-kebhohe, mobhe kya bhano mmöbhöhirwë hamwë nabho, muhiitenga na bhano bhakunyankibhwa, mobhe kya bhano mukunyankibhwa hamwë nabho.

Abharuumi 1:3

Amangʼana Amaiya ghayö, na-agha Omoona uwaaye. Omoona uwaaye uyö kinyabhantö, nu-muhiiri uwa omokama Daudi yaarë.

Maariko 9:12

Yëësu akabhahonshora igha, “Obhoheene ni-igha Ëriya nakaaishirë mbere asëëmi ghonswe igho. Nokaanyoora ni-igho ërë, kasi n-kwakë yandëkirwë mo-Maandeko Amahörëëru igha, ‘Omoona uwa Ömöntö narinyoora inyaanyi bhököngʼu kora aserwe?’

2 Abhakörintö 13:4

No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.