Abhafiripi 2:30 - Imuuma Eehya

³⁰ Ngambirë igho ko bhoora hake yaarë akwe, ko okoghera iya emeremo ighya Kiristo. Ghwiki yaairëëyë ebheraasi öbhöhöru ubhwaye, okore anhikiri öni ekehaheeno keno bhëënyu mwaakërrwë ukukinhikirya ko bhoora hare naarë.

Abhafiripi 2:30 Referans Kwoze

1 Abhakörintö 16:17

Naashömëëywë hano Sitefana hamwë na Foritunato bhaana Akaiko bhaahikirë hano. Naashömëëywë ko bhoora mbaangʼaayë ëbhëntö bheno mokaangʼaayë, bheno naarë nabhyo obhohabhë.

Abhafiripi 4:10

Mbe, nshömëëywë bhököngʼu ko okoghootana ukwane na Omonene Yëësu, ko bhoora ghwiki mokaambirë musimiri okontemera omotwe. Nemanyirë igha, sinsikö syonswe igho mwaantemeranga omotwe, kasi mokabhorwa enshera iya okonhaheenera.

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

2 Abhakörintö 12:15

Öni nendaashomerwe ukuruusya ëbhëntö ibhyane, na ukwiruusya öni umwene, okore mbatöörri. Kasi bhoono, nkomaahekana ërë igha, enkaagha eno öni nköghëndërrya okobhahansha bhököngʼu, ho bhëënyu mukusuuhya righonshe iryënyu ku-öni.

Okohonyora 12:11

Abhakumya bharikyëtö, bhaanyöörrë singuru isya okobhaaha Oghosambwa okohetera ko amaanyinga agha Omoona Ringʼöndi, na ko okoghera iya ubhwimërërri bhono bhaamwimërërrëëyë, ko bhoora tebhaatöniibhwi na öbhöhöru ubhwabho hë. Mbaaikërëëyi ukukwa, ko okoghera iya ukukumya Omoona Ringʼöndi.

Firimoni 1:13

Kora nkutuna ndë igha hano akaghëndërrya okobha na öni hano, okore antöörringa ghaara uwe okaantörri enkaagha eno ndëngë mo-kebhohe, ko okoghera iya okoraareka Amangʼana Amaiya.

Abhafiripi 2:27

Obhoheene m-mörööyë umusingu yaarë. Kasi bhoono Waryobha yaamwabhera. Ti-igha nu-mwene igho Waryobha yaabhera hë, kasi kora öni wonswe yaanyabhëëyë, okore ntakaabhaabhayera bhököngʼu.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

1 Abhakörintö 16:10

Hano Timoteo arihika hayö, muushe kömösërëënia bhuuya, okore atakaabha na entarëki yoyonswe eera, ko bhoora nkokora arë emeremo ighya Omonene kya bhono öni wonswe nkoghekora.

1 Abhakörintö 15:53

Momanye igha, ömöbhërë ughwa okosareka ghono, ni-igha ghusyöribhwi ghuruusibhwi obhosarëku ubhwagho. Na ömöbhërë ughwa ukukwa ghono ghusyöribhwi ghuruusibhwi ukukwa ukwagho.

Abharuumi 16:4

Abhantö bhayö, mbaahönirë ukukwa ko okoghera iya öni. Tö-öni umwene igho ono nkobhakumya hë, kasi kora Abhakyaro abha mo-makanisa ghonswe igho, nkobhakumya bharë.

2 Abhakörintö 4:12

Mbe, bhoono ni-igha, bhëëtö nkoghenda törë na uruku, kasi bhëënyu, nö-bhöhöru mukunyoora.