24 Ghwiki nkwitengʼera ndë igha, Omonene Yëësu m-böngö araangʼaane umweya niishe kö-bhëënyu iyö.
Keno nkwitengʼera ni-igha, m-böngö ndaabhataarre. Hayö ho torebha hamwë tushumaashe.
Hamwë na ghayö, ndasabha önsëëmëri ahasë aha ukwikara, ko bhoora ko okohetera amasabhi aghëënyu, nkwesegha ndë igha Waryobha naraantöörri niishe kö-bhëënyu iyö.
Neena amangʼana amaaru ghano naakutuna igha mbatëëbhi, kasi tinkutuna igha ngandeke ku-ritashandighi kono. Ko bhoora nkwitengʼera ndë igha, nendaashe kobhataarra. Hayö bhoono ho turishumaasha hamwë, kora nturishomerwa bhonswe igho.
Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.