Abhafiripi 2:13 - Imuuma Eehya

¹³ Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhafiripi 2:13 Referans Kwoze

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

2 Abhakörintö 3:5

Tërëngë igha nkokanya törë igha, kyokyonswe keno tokokora, n-ko obhotoro ubhwëtö abheene, a a, n-ko obhotoro ubhwa Waryobha.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

Abharuumi 9:16

Ku bhuyö Waryobha umwene we akomaaha ömöntö uwa okomaahera amaabhë, te-bhono ömöntö umwene akutuna handë bhono akokora hë!

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

Yohana 3:27

Yohana akabhahonshora igha, “Taaho ömöntö ono akotora ukunyoora ëkëntö kyokyonswe igho, hano atahaaywë na Waryobha.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

1 Abhakörintö 12:6

Kora emeremo ghyonswe ngeeho ighya seteemo nsharu, kasi Waryobha nö-ömwë uyöuyö, we akokora emeremo ghyonswe igho mo-bhantö bhonswe igho.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

Abhaëfësö 1:5

yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Abhaëfësö 2:8

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana.

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Yohana 6:65

Mbe akaghëndërrya okobhatëëbhya igha, “Kiyö nkyo këghërrë nkabhatëëbhya igha, taaho ömöntö ono akotora ukuusha ku-öni, hano atatangatirwë na Taata.”

Abharuumi 9:11

Hano waanyöörrë ebhesare bhiyö bhetareebhorwa, kora bhataraakora engʼana engogho handë inshiiya, Waryobha akatëëbhya Rebheka igha, “Ömöntö mökörö naretighinkanera omoke uwaaye.” Engʼana iyö nkwörökya ërë igha, Waryobha nkwahora arë ömöntö ko okorengʼaana na bhono Waryobha umwene akutuna. Takokora ko okorengʼaana na amangʼana ghano ömöntö yaakora.

Yohana 6:45

Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

Amangʼana agha Abhatomwa 11:21

Obhotoro ubhwa Omonene Waryobha, mbwaarë hamwë nabho. Abhantö abhaaru këmwëkëmwë, bhakakumya na ukukyora ko-Monene Yëësu.

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.