Abhafiripi 2:12 - Imuuma Eehya

¹² Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhafiripi 2:12 Referans Kwoze

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

Abhaëbhuraania 4:11

Mbe, tokore omotono ughwa okosoha mo-bhotooro muyö, okore ömöntö wowonswe igho atakaakerwa kya bhono bhaaghuuka abhëëtö bhaakërrwë ukwighwera Waryobha.

1 Peetero 2:11

Abhaghonshe abhaane, bhëënyu m-baghëni bhahëti mörë ko-kebhara kono. Ku bhuyö, ndabhasaasaama igha, motakaikërrya okobhaahwa na oronamba oroghogho urwa ëmëbhërë ighyënyu. Oronamba oroghogho ruyö, nkurutana rörë na bhëënyu, okore robhabhaahe.

Mataayo 11:29

Öni m-mohaabhu ndë, na ubhwihöötu nu-bhwane. Ku bhuyö mwibhohere ijööki iyaane, mweghe ku-öni, ho ndaabhahaane omorembe mo-senkoro isyënyu.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

Abhaëbhuraania 5:9

Mbe, ko okoghera iya ghayö, Waryobha akamokora aingʼarre okobha esemoko iya öbhötöörya ubhwa amakora ghonswe igho ko bhonswe igho bhano bhakwighwera Ömötöörya uyö.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Abhaëbhuraania 12:1

Mbe, ko bhoora rikomo rinene riyö irya abhaimërërri nditwinaarrë igho, turuusi-ho kera engʼana eno ekotorebherra, na ëkëbhë keno kikwangoha ukutwitanga. Tokenye kö ököghömërrya mu-rikenya reno Waryobha yaatotoorra-ho.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

2 Abhakörintö 7:15

Righonshe irya Tiito kö-bhëënyu, ni-nene, ekenene n-hano yaahiita bhono mwaamwighweranga, na kya igho mwaamösërëënëri, kwa okoobhoha na ukurighita.

1 Abhakörintö 2:3

Enkaagha iyö, m-mötëntëëru naarë, kora naarenga na entarëki, kora naarighitanga bhököngʼu.

Abhaëfësö 6:5

Bhëënyu abhaghorwa, ni-igha mosooke abhanene abhëënyu abha ko-kebhara kono, na ukurighita, na eno mohanshirë mo-senkoro isyënyu. Mobhasooke kya bhono mokosooka Yëësu Kiristo.

Mataayo 11:12

Ukurwa haara Yohana Omobhatiisya yaasimiiyi emeremo ighyaye okohekera bhoono igho, abhantö nkwiköngʼërrya bharë, okore bhasohe mo-Bhokama ubhwa Waryobha. Kasi abhantö abha singuru, nköbhöröönia bharë.

Abhafiripi 1:5

ko bhoora bhëënyu mwabha ëkëntö ëkëmwë na öni, ko okoraareka Amangʼana Amaiya agha Yëësu Kiristo. Mwaakörrë igho ukurwa urusikö roora mwaakumiri okohekera urusikö urwa reero.

Amangʼana agha Abhatomwa 9:6

Bhoono emoka, oghende, osohe mu-mughi ghuyö, muyö mo oraatëëbhibhwi keno oraakore.”

Abhafiripi 2:19

Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.

1 Abhakörintö 4:14

Tinkwandeka amangʼana ghano okore mbasöökërri hë, kasi nkobhakaania ndë kya hano nkokaania abhaana abhaane abhaghonshe.

Abhafiripi 4:15

Bhëënyu Abhafiripi momanyirë igha, enkaagha eno mwaaighuurë urwa mbere Amangʼana Amaiya ghano naabharaarëkëëyë, hano naaruurë mo-mokowa ughwënyu ughwa Makedonia, ekanisa iyëënyu iyeene igho, yo yaghootaini na öni ko amangʼana agha okohaahenerana.

Amangʼana agha Abhatomwa 16:29

Ömörëndi uyö akatuna setara sereetwe. Hano setara syaarëëtirwë, akasoha bhöngöbhöngö mu-nyumba, akaghwera Pauro na Siira ko-maghörö ararighita.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.