Biblia Todo Logo
Bib sou entènèt

- Piblisite -




Abhafiripi 1:7 - Imuuma Eehya

7 M-buuya nkokora okobhatemera omotwe bhëënyu bhonswe igho ko amangʼana ghayö, ko bhoora nembahanshirë bhököngʼu. Nkosanga mörë na öni örööbhö urwa Waryobha, ukukiinanera Amangʼana Amaiya na okoghaimererra hamwë na bhëënyu, nokaanyoora igha mo-kebhohe ndë, handë igha temo-kebhohe ndë hë.

Gade chapit la Kopi




Abhafiripi 1:7
34 Referans Kwoze  

Tenkoghamba amangʼana ghayö, ko okobhabhotorra ikiina igha bhëënyu, m-baghogho mörë, a a, ko bhoora nengambirë ekembere hayö igha, bhëënyu mmo-senkoro isyëtö mörë, n-hamwë törë na bhëënyu nekaabha igha nu-ruku handë öbhöhöru.


ko bhoora bhëënyu mwabha ëkëntö ëkëmwë na öni, ko okoraareka Amangʼana Amaiya agha Yëësu Kiristo. Mwaakörrë igho ukurwa urusikö roora mwaakumiri okohekera urusikö urwa reero.


Ko okoghera iya amangʼana ghayö, öni nkunyanka ndë, na nkobhohwa ndë na iminyorro kya ömöntö omoghogho. Kasi engʼana iya Waryobha yo tekobhohwa hë.


Öni Pauro nkwandeka ndë ghano na okobhoko ukwane umwene, ndabhakëërya. Muhiite igha mo-kebhohe ndë. Örööbhö urwa Waryobha robhe hamwë na bhëënyu.


Nokaanyoora ni-igho ërë, kasi m-buuya mwaakörrë okosanga na öni inyanko eno naarenga nayo.


Öni nu-mwimërërri uwa Yëësu Kiristo ndë uwa okoraghërrya abhantö Amangʼana Amaiya, kiyö nkyo kyaaghera abhantö bhakandekera mo-kebhohe. Ku bhuyö monsaasaamere ku-Waryobha igha, angʼaane obhokarë ubhwa okoraareka Amangʼana Amaiya ko obhotoro ubhwane bhwonswe igho.


Ko okoghera iya amangʼana ghayö ngambirë, öni Pauro nëmböhirwë ko okokorra Kiristo Yëësu emeremo kö-bhëënyu Abhakyaro. Nkobhasabhera ndë ku-Waryobha.


Kasi Umwika Ömöhörëëru yaahonyorranga mu-mighi ghyonswe igho gheno naahetanga-mo igha, inyanko na ekebhohe, nkonganya bhërë.


Bhëëtö ntomanyirë igha, twaarwa mu-singuru isya uruku, na bhoono ntoona öbhöhöru ubhwa amakora ghonswe igho. Ntomanyirë igho, ko bhoora ntohanshirë abhakumya bharikyëtö. Ömöntö wowonswe igho ono ataana righonshe, uyö nakëghöötërëëywë na singuru isya uruku.


Nkomaaha ndë igha, ni-igha mbahiitökinga amangʼana ghayö, senkaagha syonswe igho seno nkeheeshera ko-kebhara kono.


Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.


Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.


Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.


Ko bhoora bhëënyu bhonswe igho, mmoona emerengaari, ghwiki m-baana abha obhorabhu mörë. Bhëëtö, tëtörëngë abhantö abha amangʼana agha ubhutikö handë agha mu-kisuntë hë.


Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.


Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.


Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.


Ko bhoora bhëënyu, m-bëënyu ritashandighi iryëtö, reno ryandëkirwë mo-senkoro isyëtö, reno remanyekaini, kora nkosomwa rërë na abhantö bhonswe igho.


Ömöntö uwa righonshe, nköghömërrya arë ghonswe igho, naana umukumo nkaagha syonswe igho, naana ubhweseghe ko-ghonswe igho, m-mötërëmu uwa ghonswe igho.


Nkokora ndë amangʼana ghayö ghonswe igho, ko okoghera iya Amangʼana Amaiya, okore nsange na abhandë obhongʼoore ubhwa Amangʼana Amaiya ghayö.


Mbe, omonene uwa abhasirikare uyö, akasuntarra Pauro, akamoghoota, akahamera igha, abhohwe na ebheraangʼani bhibhërë. Akabhöörya abhantö bhayö igha, “Kana, ono m-möntö kë? N-kë asarri?”


Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,


Mbe, abhakumya bharikyëtö, nkutuna ndë momanye bhuuya igha, amangʼana ghonswe igho ghano ghaannyoora, ngaasangania bhököngʼu ököntöörrya okoromaania Amangʼana Amaiya.


Ko bhuyö bhonswe igho, abhasirikare abharëndi abha ughunyumba ughwa omokama, hamwë na abhantö abhandë bhonswe igho, mbaamanyirë ikibhuno ikya okobhohwa ukwane igha, n-ko bhoora nkutighinkanera Kiristo.


Hamwë na ghayö ghonswe igho, nemanyirë igha, okobhohwa ukwane kono, kwaghera senkoro isya abhakumya bharikyëtö abhaaru, syanagha ko-Monene Yëësu. Ku bhuyö nkoraarekera bharë abhantö engʼana iya Waryobha ku singuru syonswe igho, kora tebhaana entarëki hë.


Kasi mmomanyirë bhono Timoteo akwiyörökya igha, m-möntö uwa heene. Yaakora emeremo ighya okoraareka Amangʼana Amaiya hamwë na öni, kya omoona na suwaabho.


Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.


Bhëënyu Abhafiripi momanyirë igha, enkaagha eno mwaaighuurë urwa mbere Amangʼana Amaiya ghano naabharaarëkëëyë, hano naaruurë mo-mokowa ughwënyu ughwa Makedonia, ekanisa iyëënyu iyeene igho, yo yaghootaini na öni ko amangʼana agha okohaahenerana.


Kora nkutuna ndë igha hano akaghëndërrya okobha na öni hano, okore antöörringa ghaara uwe okaantörri enkaagha eno ndëngë mo-kebhohe, ko okoghera iya okoraareka Amangʼana Amaiya.


Swiv nou:

Piblisite


Piblisite