Abhafiripi 1:6 - Imuuma Eehya

⁶ Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

Abhafiripi 1:6 Referans Kwoze

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhaëfësö 4:12

Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

Abhaëbhuraania 10:35

Mbe, motakaasha ukutigha obhokarë ubhwënyu bhuyö, ko bhoora mboreghera mutuhwe bhököngʼu.

Yohana 6:29

Yëësu akabhahonshora igha, “Amangʼana ghano Waryobha akutuna mokore n-gaano hano, munkumi öni, ono naatomwa nawe.”

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

1 Abhatësarönikë 1:3

Hano twabhasabhera ko-Taata uwëëtö Waryobha, nkuhiita törë umukumo ughwënyu ko amangʼana ghano mokokora. Torahiita omotono ughwa righonshe ghono moonagho, na kya igho monaghirë ku ubhweseghe bhono moonabho ko-Monene uwëëtö Yëësu Kiristo.

Firimoni 1:21

Nkukwandekera ndë manyirë igha, noraaghaikërri. Kora noraakore okokera bhuyö nkosabhirë.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

2 Abhatësarönikë 3:4

Omonene uyö, we akotohaana ubhweseghe obhonene kö-bhëënyu igha, nkokora mörë, kora moraaghëndërri okokora ghaara twaabharaghërrëëyi.

Abhakorosaai 2:12

Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

2 Abhakörintö 7:16

Bhoono öni, nshömëëywë, ko bhoora nkobheesegha ko amangʼana ghonswe igho.

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Abhagharatia 5:10

Ko bhoora igha bhëënyu na-abha Omonene Yëësu mörë, ku bhuyö nemanyirë igha, timwikërri okongʼainwa hë. Kyokyonswe igho keno keraabhe, kasi ömöntö uyö akobhangʼaina narishibhibhwa.

2 Peetero 3:10

Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.

2 Abhakörintö 9:4

Nengambirë igho, ko bhoora hano nkataka nishirë iyö hamwë na Abhamakedonia, nyoore igha temoraisëëmya hë, hayö m-bëëtö toraasooke, ko bhono toona ubhweseghe kö-bhëënyu ko okoghera iya engʼana iyö. Kora na bhëënyu bhonswe, mmoraasooke bhököngʼu.

2 Abhakörintö 2:3

Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë.

2 Abhakörintö 1:15

Naarenga na obhoheene ubhwa amangʼana ghayö, kiyö nkyo kyaaghërrë nkatuna igha niishe kö-bhëënyu ekembere, okore munyoore umweya ughwa okomaahana na bhëëtö harë kabhërë.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhafiripi 2:16

Moghoote na okoraareka engʼana iya Waryobha eno ekobhahaana öbhöhöru ubhwa amakora ghonswe igho. Mokore igho okore nishekomaaha ikuughë urusikö roora Kiristo arikyora, ko bhoora emeremo gheno naatönirë okokora mö-bhëënyu, tighyaheta bhosa hë.