Abhafiripi 1:19 - Imuuma Eehya

¹⁹ Nemanyirë igha nendaahone ko-ghonswe igho ghano ghaanyoora, ko bhoora mokonsabhera ku-Waryobha, na kora Umwika uwa Yëësu Kiristo nköntöörrya arë.

Abhafiripi 1:19 Referans Kwoze

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

Amangʼana agha Abhatomwa 16:7

Hano bhaahikirë mo-rotonga urwa omokowa ughwa Misia, bhakatuna igha bhasohe mo-mokowa ughwa Bhitinia, kasi Umwika Ömöhörëëru uwa Yëësu, tiyaabhaikërërrëëyi hë.

2 Abhakörintö 1:11

Kora bhëënyu nkötötöörrya mörë okotosabhera ku-Waryobha. Waryobha nkwighwa arë amasabhi aghëënyu, kora nkotongʼoora arë. Ku bhuyö abhantö abhaaru mbaraamukumi ko okoghera iya örööbhö urwaye kö-bhëëtö.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abharuumi 8:9

Kasi bhoono bhëënyu, temokotongwa na esemoko iya öbhököri ubhwa ëbhëbhë hë, nu-Mwika uwa Waryobha ono amënyirë mo-senkoro isyënyu, we akobhatangata. Momanye igha, ömöntö wowonswe ono ataana Umwika uwa Yëësu Kiristo mo-nkoro iyaaye, uyö te-mosoorani uwa heene uwa Yëësu Kiristo hë.

1 Abhakörintö 4:17

Ku bhuyö ntömirë Timoteo, omoona uwaane omoghonshe ku umukumo ghono tokosanga nawe, m-möntö uwa heene ko-meremo ighya Omonene. Uyö we araabhahiitöki amangʼana aghaane kya bhono nkosoorana Yëësu Kiristo. Naraabhatëëbhi kya bhono nkwëghya kera ahasë mo-makanisa ghonswe igho.

1 Peetero 1:11

Mbaarë na Umwika uwa Kiristo, uyö we yaaröötirë igha, Kiristo nakaatëësirwë, na hano inyaanyi iyö erehwa, narinyoora ubhuhika. Abharööti bhayö, bhaatunanga bhököngʼu bhamanye amangʼana ghayö igha, n-dööhë gharebha, na iyakë gharebha.

Abhagharatia 3:5

Bhoono möntëëbhi, kanaa, Waryobha yaabhahaana Umwika Ömöhörëëru na okokora amakono mö-bhëënyu ko okoghoota amaraghërryö agha Mosa, kasi n-ko okoghera iya ukwitegherra Amangʼana Amaiya agha Yëësu na okoghakumya?

Abhafiripi 1:18

Kasi ngʼana teraasareka hë! Ko bhoora amangʼana agha Kiristo nkoraarekwa gharë, nekaabha kwa nkoro ngogho, handë kwa nkoro inshiiya. Ko okoghera iya engʼana iyö, öni nkushomerwa ndë. Ghwiki nendaaghëndërri ukushomerwa.