Abhafiripi 1:15 - Imuuma Eehya

¹⁵ No-bhoheene igha, bhaaho abhandë bhano bhakoraareka amangʼana agha Kiristo, ku rikenge na riihë. Kasi abhandë hobharë, bhano bhakoraareka kwa nkoro nshiiya.

Abhafiripi 1:15 Referans Kwoze

Abhafiripi 2:3

Motakaakora engʼana yoyonswe igho kwa kwiroterra handë kwa ikiheemere. Kasi mwihoote na okomaaha abhandë igha mbo abhantö okokera bhëënyu.

2 Abhakörintö 11:13

Ko bhoora abhantö kya bhayö, m-batomwa abha obhorongo, nkokora bharë emeremo kwa ököngʼënërrya, nkwikora bharë igha, m-batomwa abha Yëësu Kiristo.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

2 Abhakörintö 1:19

Nkoghamba ndë igho, ko bhoora Yëësu Kiristo, Omoona uwa Waryobha, ono öni, Siriwano, na Timoteo tokoraareka kö-bhëënyu, tiyaarenga ömöntö uwa ukwishooghania amangʼana agha ukwikërrya igha, “Yëë,” ghwiki ateme hayö ange igha, “A a.” Kasi ku-uyö, nkaagha sonswe igho ni-igha, “Yëë.”

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhagharatia 2:4

Engʼana iya okosaarwa iyö, yaabhöriibhwi na abhantö bhano bhaaikoranga igha m-basoorani abha Yëësu, kasi mbaaibhumburrë-mo kwa bhongʼaini, okore bhaitaahe öbhötöönööni ubhwëtö bhono Kiristo Yëësu yaatohaana. Keno bhaatunanga, no-kotokora tobhe abhaghorwa abha amaraghërryö agha Mosa.

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

1 Abhakörintö 13:3

Ghwiki kora nenkaghegha ëbhëntö ibhyane nhaane abhatöbhu, handë niiruusi öni umwene nsambwe mo-morro, kasi nyoore ntaana righonshe, m-bosa.

1 Abhakörintö 1:23

Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

Amangʼana agha Abhatomwa 11:20

Kasi abhakumya abhandë bhano bhaarwërëëyë kwi-ghinga irya Kiipuro, na mu-mughi ughwa Kirene, bho bhaangʼösëëyë Antiökia, abheene mbaaraarëkirë Amangʼana Amaiya agha Omonene Yëësu kora ko bhano bhaashumaashanga Ikiyunaani.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Amangʼana agha Abhatomwa 9:20

Akasimya këmwë okoraareka mu-sinyumba isya esango iya Abhayahudi. Yaaraarekanga igha, “Yëësu m-Moona uwa Waryobha.”

Amangʼana agha Abhatomwa 8:35

Mbe, Firipö akasimirya ko-Maandeko Amahörëëru ghayöghayö, akaghëndërrya okomoraghërrya Amangʼana Amaiya agha Yëësu.

Amangʼana agha Abhatomwa 5:42

Kasi tebhaatighirë ukughya ukwëghya abhantö mu-sinyumba isyabho, na okoraarekera abhantö Amangʼana Amaiya mo-bhogho ubhwa risengerro irya Waryobha. Bhaaraarekanga sinsikö syonswe igho igha, Yëësu we Kiristo.

Amangʼana agha Abhatomwa 8:5

Firipö wonswe hano yaangʼaararrë ukughya mu-mughi ghono ghwaabherekerwanga igha Samaaria, akasimya okoraarekera abhantö abha iyö amangʼana agha Kiristo.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.