Abhafiripi 1:1 - Imuuma Eehya

¹ Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 1:1 Referans Kwoze

2 Abhakörintö 1:1

Ritashandighi reno nö-öni Pauro ndyandëkirë. Öni no-motomwa uwa Kiristo Yëësu ndë, ku righonshe irya Waryobha. Öni na umukumya murikyane Timoteo, torabhakëërya bhëënyu bhano mörëngë mo-kanisa iya Waryobha eno ërëngë mu-mughi ughwa Körintö. M-bëënyu tökökëërya, hamwë na abhahörëëru abha Waryobha bhonswe igho, bhano bharëngë mo-mokowa ughwa Akaaya.

Abharuumi 1:1

Ritashandighi reno, nku-öni Pauro omoghorwa uwa Yëësu Kiristo riruurë. Naabherekerwa igha mbe omotomwa, nkaahorwa igha, ndaarekenga Amangʼana Amaiya agha Waryobha.

Tiito 1:1

Ritashandighi reno, nö-öni Pauro ndyandëkirë, öni ömököri uwa emeremo uwa Waryobha, ono ndëngë omotomwa uwa Yëësu Kiristo. Naatomwa ndaghërri abhantö bhano bhaashaaghorwa na Waryobha, okore bhamukumi na okomanya obhoheene ubhwa Yëësu Kiristo. Obhoheene bhuyö, mbo bhokoraghërrya abhantö bhasooke Waryobha,

1 Timoteo 3:8

Abhashemaasi bhonswe, bhabhe na eteemo inshiiya, bhatakaabha abhaihunaania, bhatakaabha abhanywi abha amarwa, bhatakaahansha seehera.

2 Abhatësarönikë 1:1

Ritashandighi reno nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo.

1 Abhatësarönikë 1:1

Ritashandighi reno, nö-öni Pauro ndyandëkirë toona Siriwano hamwë na Timoteo. Ekanisa iya umughi ghono ghokobherekerwa igha Tësarönikë, m-bëënyu tukwandekera, abhantö bhano mukukumya Taata uwëëtö Waryobha na Omonene uwëëtö Yëësu Kiristo. Waryobha abhahaane örööbhö na omorembe.

Abhaëfësö 1:1

Nö-öni Pauro omotomwa uwa Kiristo Yëësu ku righonshe irya Waryobha. Ritashandighi reno, m-bëënyu nkwandekera abhantö abha Waryobha bhano mököghëndërrya ukukumya Kiristo Yëësu Ëfësö hayö, ko okobha na öbhömwë nawe.

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

1 Timoteo 1:2

Timoteo nu-uwe nkwandekera. Uwe m-maheene igha m-moona uwaane örë, ku umukumo ghano tokosanga. Örööbhö, ikyabhera na omorembe ukurwa ko-Taata uwëëtö Waryobha na ku-Kiristo Yëësu Omonene uwëëtö, bhebhe hamwë na uwe.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Okohonyora 1:1

Kono no-kohonyora ukwa Yëësu Kiristo. Waryobha yaahaayë Yëësu Kiristo okore ööröki abhaköri abha emeremo abhaaye amangʼana ghano heene ghakaangöhirë ukwikora. Yëësu wonswe akatëëbhya maraika uwaaye ahonyorre Yohana, ömököri uwaaye uwa emeremo.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Abhaëbhuraania 13:23

Nkutuna ndë momanye igha, Timoteo umukumya murikyëtö, yaahaaterwa ukurwa mo-kebhohe. Hano araangohe ukuusha hano, nendaashe nawe kö-bhëënyu iyö.

2 Abhatësarönikë 1:10

Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

1 Abhatësarönikë 2:2

Ghwiki mmomanyirë igha, enkaagha eno waanyöörrë totaraahika kö-bhëënyu, ntwaanyankiibhwi bhököngʼu, kora tokatokwa mu-mughi ghoora ghokobherekerwa igha Firipi. Nokaanyoora twaarëbhërrëywë bhököngʼu igha totakaasha kö-bhëënyu, kasi Waryobha yaatohaayë singuru isya okoraareka Amangʼana aghaaye Amaiya kö-bhëënyu.

Abhaëfësö 1:15

Nkukumya ndë Waryobha ko okoghera iya amangʼana ghonswe igho ghano yaatokorra. Kerenga naighwa kya bhono mukukumya Omonene Yëësu, na bhono mohanshirë abhantö abha Waryobha bhonswe igho,

1 Abhakörintö 16:10

Hano Timoteo arihika hayö, muushe kömösërëënia bhuuya, okore atakaabha na entarëki yoyonswe eera, ko bhoora nkokora arë emeremo ighya Omonene kya bhono öni wonswe nkoghekora.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”

Amangʼana agha Abhatomwa 9:13

Kasi Anania akamohonshora igha, “Omonene, naighwa amangʼana ukurwa ko-bhantö abhaaru, kya bhono Sauri uyö yaakorra abhantö abhaaho abhahörëëru amangʼana amaghogho Yërusarëëmu iyö!

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Maariko 13:34

“Ukuusha ukwane öni Omoona uwa Ömöntö, nkutuubhaini kya ëkërëngyö keno hano. Igha, n-kya hano ömöntö areemoke ukughya oroghendo, umughi ughwaye ateghere abhaghorwa abhaaye bhamonaghëri. Abhatwenani emeremo ighya okokora. Amare atëëbhi ömörëndi uwa mu-kihiita igha, angarre.”

Okohonyora 22:9

Kasi we akantëëbhya igha, “Tigha, otakaakora igho! Öni wonswe m-mököri uwa emeremo murikyaho ndë. N-kya abhakumya bharikyaho abharööti ndë, na abhandë bhonswe igho bhano bhakoghoota engʼana iya eketabho keno. Ku bhuyö sengerra Waryobha umwene igho!”

Okohonyora 2:12

Ömöntö uyö akaghëndërrya okoghamba igha, “Andekera maraika uwa ekanisa iya Perighamo, ömötëëbhi igha, Neena umushonge umwöghë nyambagha ibhërë. Mwitegherre ghano nkobhatëëbhya!

Okohonyora 2:8

Ömöntö uyö akaghëndërrya okoghamba igha, “Andekera maraika uwa ekanisa iya Simirina, ömötëëbhi igha, Öni nö-öni uwa mbere na nö-öni embotorra. Naakuurë, nkaryoka, na bhoono igho m-möhöru ndë! Mwitegherre ghano nkobhatëëbhya!

Okohonyora 1:20

Mo-kobhoko ukwane ukwa bhoryo, waarööshë-mo sinyota muhungatë, ghwiki okamaaha ebhetangora muhungatë ibhya esahaabhu ibhya okotoora-ko setara, ensonga iya ikibhisirë kiyö ni-igha, sinyota muhungatë seera, na-bhamaraika abha makanisa muhungatë. Ebhetangora muhungatë ibhya esahaabhu ibhya okotoora-ko setara, bhiyö na-makanisa muhungatë.”

Amangʼana agha Abhatomwa 1:20

Peetero akaghëndërrya okoghamba igha, “Ghayö ngaandëkirwë mo-ketabho ikya Zabhuri igha, ‘Ikihiita ikyaye, nkeraabhe na ekesoma, kebhorwe ömöntö uwa okomenya-mo.’ “Ghwiki ahandë haandëkirë igha, ‘Emeremo ighyaye ighya obhotangati, nu-wöndë araahaanwe.’

Abhagharatia 1:10

Bhoono bhëënyu nkokanya mörë igha nkutuna ndë okohanshwa na abhantö? Ti-igho hë, keno nkutuna no-kohanshwa na Waryobha umwene igho! Okaanyöörrë igha na-bhantö nkutuna kötëghërya, tenkaabhaayë omoghorwa uwa Yëësu Kiristo hë.

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhafiripi 2:5

Mobhe na enkoro eeraeera Kiristo Yëësu yaarë nayo.

Abhafiripi 2:19

Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.

Abhafiripi 3:3

Bhëëtö ko bhoheene m-bëëtö abhantö abha Waryobha ko bhoora Umwika Ömöhörëëru nkötötöörrya arë okosengerra Waryobha. Kiristo Yëësu we tukwikumirya na ukwesegha. Titukwesegha amangʼana aghëëtö agha kinyamöbhërë igha ngo ghakotohaana öbhötöörya,

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhafiripi 3:12

Öni tinkwihasha igha naamara okokora ghonswe igho ghayö, handë igha Waryobha yaamara okonkora igha m-möntö uwa heene ndë këmwë, ti-igho hë, kasi nkwiköngʼërrya ndë, okore nnyoore ghayö. Ko bhoora ghayö ngo Kiristo Yëësu yaamberekerra.

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.