Abhaëfësö 6:5 - Imuuma Eehya

⁵ Bhëënyu abhaghorwa, ni-igha mosooke abhanene abhëënyu abha ko-kebhara kono, na ukurighita, na eno mohanshirë mo-senkoro isyënyu. Mobhasooke kya bhono mokosooka Yëësu Kiristo.

Abhaëfësö 6:5 Referans Kwoze

Abhaëfësö 5:22

Bhëënyu abhakari, ni-igha mwihoote ko-bhashaasha abhëënyu kya bhano mukwihoota ko-Monene,

Firimoni 1:16

Ukurwa bhoono igho, tarëngë kya omoghorwa ku-uwe hë. Kasi nakërrë omoghorwa. Uyö m-mura uwëënyu omoghonshe. Öni nemohanshirë bhököngʼu, kasi uwe, noraamohanshe bhököngʼu konkera. Noraamohanshe igha m-moghorwa uwaaho, na ko bhoora igha m-Mukiristo murikyaho.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

1 Abhakörintö 7:22

Ko bhoora ömöntö ono yaabherekerwa arëngë omoghorwa, m-mötöönööni ko-Monene. Ni-ighoigho kora na ono yaabherekerwa arëngë ömötöönööni, m-moghorwa uwa Kiristo.

Mataayo 8:9

Ko bhoora kora öni wonswe, n-hansë ndë iya ubhwera ubhwa uwöndë. Ghwiki bhaaho abhasirikare abhandë bhano neena ubhwera ko-obho. Hano naatëëbhya umusirikare nyabhorebhe igha, ‘Kaghi,’ nkughya arë. Na hano naatëëbhya uwöndë igha, ‘Nshö,’ nkuusha arë. Hano naatëëbhya omoghorwa uwaane igha, ‘Kora omoremo ghono,’ nkokora arë.”

Mataayo 6:24

Yëësu akaghëndërrya okoghamba igha, “Taaho ömöntö ono akotora okokorra emeremo abhanene bhabhërë ko-nkaagha ëmwë. Hano araakore igho, naraareghe ömwë, ahanshe uwöndë. Handë aghootane na ömwë, asere uwöndë. Ighoigho na kö-bhëënyu bhonswe, timwikarre ubhutuni ubhwa ëbhëntö, na eno moratuna okokorra Waryobha emeremo.”

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

2 Abhakörintö 7:15

Righonshe irya Tiito kö-bhëënyu, ni-nene, ekenene n-hano yaahiita bhono mwaamwighweranga, na kya igho mwaamösërëënëri, kwa okoobhoha na ukurighita.

1 Abhakörintö 2:3

Enkaagha iyö, m-mötëntëëru naarë, kora naarenga na entarëki, kora naarighitanga bhököngʼu.

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Mataayo 6:22

Yëësu akaghamba igha, “Kya bhoora etara ëkömërëkya, amaiso aghaaho ghonswe kö-möbhërë, n-kya etara. Hano waanyoora amaiso m-mahöru, nkomaaha örë bhuuya igho.

Abharuumi 9:3

ko okoghera iya abhantö abha ikyaro ikyëtö. Ekaabhaayë-ho enshera, öni nenkaaikërëëyi nihiimwe, ntighane na Kiristo, okore abhantö abha ikyaro ikyëtö, bhakumi Yëësu Kiristo.