Abhaëfësö 5:5 - Imuuma Eehya

⁵ Omohoobhaaru, uyö n-kya ono akosengerra amasambwa. Ku bhuyö momanye igha, ömöntö kya uyö, bhaana omosooraare na umunyanku, tebhaana umwandö ghwoghwonswe ghoora hë mo-Bhokama ubhwa Yëësu Kiristo na Waryobha.

Abhaëfësö 5:5 Referans Kwoze

Abhagharatia 5:21

rikenge, öbhörëëbhi, obhohoobhaaru hamwë na aghandë ghano gharëngë kya ghayö. Nkobhatëëbhya ndë ghwiki kya bhoora naabhatëëbhëri igha, abhantö bhano bhakokora amangʼana kya ghayö, tebhaana umwandö ghwoghwonswe ghoora mo-Bhokama ubhwa Waryobha hë.

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

Abhaëfësö 5:3

Kasi motakaakora amangʼana ghano gharaaghere abhantö bhabhaghambe igha, m-basooraare mörë, m-banyanku mörë, handë igha m-bahobhaaru mötë, ko bhoora igha, amangʼana ghayö teghaingʼarëëyë ko-bhantö abha Waryobha abhahörëëru kya bhëënyu.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Abhagharatia 5:19

Mbe, amangʼana ghano bhakokora abhantö abha oronamba urwa ömöbhërë, ngamanyekaini igha, no-bhosooraare, ubhunyanku, okokora amangʼana agha sënsöni,

Abhaëbhuraania 13:4

Öbhötëti ne-ngʼana iya okosookwa na abhantö bhonswe igho. Obhosooraare, bhwibhashwe, ko bhoora Waryobha narebhotorra ikiina abhasooraare na abha sintwara.

1 Timoteo 6:10

Esemoko iya amangʼana amaghogho ghonswe igho, no-kohansha seehera. Abhandë okohansha seehera, kwabhangʼaina bhaatigha umukumo, bhaikorerra öbhörrö ubhurito, kya ömöntö ono aibhëtirë na ekegheso.

1 Timoteo 6:17

Ötëëbhi abhaamë igha, bhatakaihasha handë ukwesegha ubhwamë ubhwa ko-kebhara kono. Ubhwamë bhuyö, m-bwa ribhagha ike igho. Kasi ubhweseghe ubhwabho, bhobhenga ku-Waryobha, ono akötösërëënia ko okotohaana ëbhëntö bhyonswe igho, okore tushomerwe nabhyo.

Amangʼana agha Abhatomwa 8:21

Uwe, tosange kyokyonswe keera ko-meremo gheno hë, ko bhoora enkoro iyaaho, ti-iya heene ku-Waryobha hë.

Amangʼana agha Abhatomwa 20:32

“Bhoono ndabhatoora ku-Waryobha, na ko engʼana iya örööbhö urwaye. Engʼana iyö, yo ekotora okobhatogheka ebhakore mobhe abhasangi abha umwandö hamwë na abhantö bhonswe igho bhano bhasaabhuurwa.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.