Abhaëfësö 4:21 - Imuuma Eehya

²¹ Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhaëfësö 4:21 Referans Kwoze

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Abhaëfësö 1:13

Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

Yohana 14:17

Uyö we Umwika uwa obhoheene. Abhantö bhano bhatakwighwera Waryobha, tebhatore ukumwikërrya hë, ko bhoora tebhakomomaaha hë, kora tebhamomanyirë hë. Kasi bhëënyu momomanyirë ko bhoora hamwë arë na bhëënyu, kora mö-bhëënyu araabhe.

2 Abhakörintö 11:10

Kya igho obhoheene ubhwa Yëësu Kiristo bhörë mu-öni, taaho ömöntö wowonswe oora uwa mo-mokowa ughwa Akaaya hayö, ono akotora okondebherra ntakaikumya ko engʼana iyö.

2 Abhakörintö 1:20

Ni-igho ërë, ko bhoora ghonswe igho ghano Waryobha yaaraghania okohetera ku-Yëësu Kiristo, na-agha obhoheene. Kiyö nkyo kekoghera toraghamba “Amina,” ko okoghera iya ökötöönia Waryobha.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 10:27

Amangʼöndi aghaane nkwighwa gharë engamba iyaane. Öni nengamanyirë bhuuya, na agheene ghonswe nkonsoorana gharë.

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.

Ruuka 10:16

Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Abharuumi 10:14

Mbe, iyakë ömöntö araatore okosaasaama Waryobha na mbe tiyaakamukumiri hë? Iyakë ömöntö araatore ukumukumya na mbe tiyaakaaighuurë amangʼana aghaaye hë? Ghwiki iyakë ömöntö araatore ukwighwa engʼana eno ataraarëkëëywë?

Abhaëfësö 2:17

Mbe, Kiristo akaasha, akaraareka amangʼana agha omorembe kö-bhëënyu bhano mwaarë hare na Waryobha, na ko bhano bhaarë haangʼë na Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.