Abhaëfësö 4:11 - Imuuma Eehya

¹¹ Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya.

Abhaëfësö 4:11 Referans Kwoze

Abhaëfësö 2:20

Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Abhaëfësö 4:8

Kiyö nkyo kekoghera Amaandeko Amahörëëru gharaghamba igha, “Hano yaainyökirë ukughya ighörö, yaaghëghirë abhabhisa këghötërëëyë, akatuha abhantö ituho.”

Abhaëfësö 3:5

Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Abharuumi 12:7

Ono akokorra bharikyaye emeremo, abhakorre kwa nkoro ëmwë. Umwëghya wonswe ëghi bhuuya.

Abhaëbhuraania 5:12

Singa bhoono bhëënyu mwabha abhëëghya abha abhantö abhandë, kasi nanyabhoono nkutuna mökërë ömöntö uwa ököbhëëghya amëëghyö agha ukusyora agha engʼana iya Waryobha. Mbe, monga kya ebhengʼerre bheno bhikunywa amabheere agheene igho, bheno bhetakotora okorya ibhyakorya ëbhëköngʼu.

Okohonyora 18:20

Mushomerwe abhamënyi abha mu-ryobha, na bhëënyu abhantö abha Waryobha, abhatomwa na abharööti, bhonswe igho mushomerwe, ko bhoora Waryobha ashibhiri umughi ghuyö, ko okoghera iya ghaara umughi ghuyö ghwaabhakörëëyë.

Amangʼana agha Abhatomwa 21:8

Hano bhwaakëëyë, tokarwa hayö, tokaghya Kaisaaria. Tokaikara wa Firipö omoraarëki uwa Amangʼana Amaiya agha Yëësu. Firipö uyö, yaarë mo-bhatöörrya muhungatë bhano bhaashaaghööywë Yërusarëëmu haara.

Amangʼana agha Abhatomwa 13:1

Mbe, mo-kanisa eno yaarenga Antiökia, bhaare-mo abharööti na abhëëghya. Abhantö bhayö, m-baabho Bharinaabha, Simeoni ono yaabherekerwanga Nighëri, Ruukiyö, ono yaarwërëëyë Kirene, Sauri, na Manaëni ono yaakiinirë hamwë na omokama Herode Antipa.

Okohonyora 21:14

Obhogho ubhwa umughi ghuyö, mbwaarenga bhohaghaashirwë ko-maghena ikömi na abhërë, agha umusingi. Na kera reghena, ndyaandëkirwë-ko iriina irya omotomwa ömwë, mo-bhatomwa ikömi na bhabhërë bhaara abha Omoona Ringʼöndi.

Yuuda 1:17

Kasi bhëënyu bhare abhaghonshe abhaane, muhiitoke ghaara abhatomwa abha Omonene uwëëtö Yëësu Kiristo bhaaghambirë kare.

1 Abhakörintö 12:4

Imituho ighya Umwika Ömöhörëëru n-gya seteemo sinsharu, kasi umutwëni uwa imituho ghiyö, nu-Mwika Ömöhörëëru uyöuyö.